لوڈ شیڈنگ فری پشاور مہم کا پہلا مرحلہ کامیابی سے مکمل ہو گیا ہے، پہلے مرحلے میں بقایات جات کی مد میں 14 کروڑ 70 لاکھ روپے اور بجلی چوروں کو 1کروڑ 40لاکھ روپے کے جرمانے عائد کیے گئے۔
ترجمان پیسکو کے مطابق لوڈ شیڈنگ فری پشاور مہم میں کینٹ اور سٹی ایریا کے ہائی لاسز فیڈرز پر کارروائیاں کی گئیں، کینٹ اور سٹی ایریا کے ہائی لاسز فیڈرز پر کارروائیاں کی گئی ہیں۔
پہلے مرحلے میں 17ہائی لاس فیڈرز سے بجلی چوری کا مکمل خاتمہ کر دیا گیا ہے۔ پیسکو ٹیمیں، ضلعی انتظامیہ، پولیس اور ایف آئی اے نے مل کر مہم میں حصہ لیا، پہلے مرحلے میں 135کنڈے اور 92ٹمپرڈ میٹر زہٹائے گئے۔
پیسکو کا کہنا ہے کہ پہلے مرحلے میں بقایا جات کی مد میں 14کروڑ 70لاکھ روپے ریکور کئے گئے ہیں جبکہ بجلی چوری کی مد میں 1کروڑ 40لاکھ روپے کے جرمانے عائد کیے گئے۔
43افراد کے خلاف مقدمہ درج کیا گیا اور 11 افراد کو گرفتار کر کے جیل بھجوایا گیا ہے۔
یاد رہے کہ پیکسو کی جانب سے پشاور کو6مختلف فیزز میں لوڈشیڈنگ فری بنانے کا منصوبہ تیار کیا گیا ہے۔