سابق وزیراعظم ذوالفقار علی بھٹو کی پوتی اور میر مرتضی بھٹو کی صاحبزادی فاطمہ بھٹو نے بھی اسرائیلی مصنوعات کے بائیکاٹ کرنے کا مشورہ دے دیا۔
سوشل میڈیا ایکس پر اپنے پیغام میں فاطمہ بھٹو نے کہا کہ اسرائیل کی پوری آبادی بمشکل کراچی کے دو محلوں کی آبادی کے برابر ہے، آبادی کے اعتبار سے آپ کے بائیکاٹ میں ایک طاقت ہے۔
انہوں نے کہا کہ ’پورے فخر کے ساتھ اسرائیلی مصنوعات کا بائیکاٹ کریں اوردنیا کو تبدیل کرنے والی اپنی طاقت کو پہچانیں۔‘
Israel’s entire population is the size of barely 2 neighborhoods in Karachi. Your boycotts have power because of the size of your numbers. Boycott with pride and watch your power force change in the world 🍉🩶 pic.twitter.com/aq4MWEWVtr
— fatima bhutto (@fbhutto) November 24, 2023
اس سے قبل بھی فاطمہ بھٹو اسرائیل پر تنقید کرتی رہی ہیں، بالخصوص جب اسرائیلی وزارت خارجہ کی ڈیجیٹل ڈپلومیسی ٹیم کے زیر انتظام اسرائیل کے آفیشل ایکس اکاؤنٹ سے بھارتی کرکٹ ٹیم کو پاکستان کے خلاف کامیابی پر مبارکباد دی گئی تھی۔
یہ پیغام اسرائیل کی جانب سے پاکستان کے کھلاڑی محمد رضوان کے ٹویٹ کے جواب میں دیا گیا تھا، ورلڈ کپ 2023 میں سری لنکا کے خلاف کامیابی کے بعد محمد رضوان نے پاکستان کی جیت غزہ کے عوام کے نام کرنے کا اعلان کیا تھا۔
بھارت کی پاکستان کے خلاف کامیابی پر اسرائیل کے آفیشل ایکس اکاؤنٹ سے کہا گیا تھا کہ ہم اسرائیل کے ساتھ اظہار یکجہتی کرنے والے بھارتی دوستوں سے واقعی متاثر ہوئے ہیں۔
اسرائیلی حکومت کے ایکس اکاؤنٹ پرپوسٹ میں کہا گیا تھا کہ ’ہمیں خوشی ہے کہ بھارت نے ورلڈ کپ کرکٹ کے اہم میچ میں کامیابی حاصل کی اور فاتح بنا، جب کہ پاکستان اپنی جیت کو حماس کے نام کرنے میں ناکام رہا‘۔
We were really moved by Indian friends showing their solidarity with Israel 🇮🇱
We are happy that India🇮🇳emerged victorious in the #INDvsPAK match at #CWC23 and that Pakistan was unable to attribute its victory to the terrorists of #Hamas. https://t.co/tvgYATe0Af
— Israel ישראל 🇮🇱 (@Israel) October 15, 2023
فاطمہ بھٹو نے اسرائیلی حکومت کے ایکس اکاؤنٹ پر اپنے رد عمل میں کہا تھا کہ ’اگر فلسطینیوں کی نسل کشی کرنے والی ریاست اس جیت پر خوش ہورہی ہے جس نے 7 دن میں 724 بچوں کو قتل کیا ہے تو ہمیں کرکٹ میچز ہارنے پر خوشی ہے۔‘
Happy to lose cricket games till the end of time if the alternative is being publicly cheered by a genocidal state that murdered 724 children in 7 days. https://t.co/7QOrTI1sFQ
— fatima bhutto (@fbhutto) October 15, 2023
