پاکستان سپر لیگ اہم میچ میں آج پشاور زلمی کا مقابلہ کراچی کنگز سے ہوگا۔
پوائنٹس ٹیبل پر کراچی کنگز چوتھے جبکہ پشاور زلمی پانچویں نمبر پر ہے۔
دونوں ٹیمیں پلے آف کے لیے کوالیفائی کرنے کے اپنے امکانات کو مضبوط بنانے کے لیے اہم میچ جیتنے کے لیے پر عزم ہیں ۔
ملتان سلطانز کے خلاف جیت کی وجہ سے کراچی کنگز مضبوط پوزیشن میں ہے جبکہ پشاور زلمی لاہور قلندرز کے خلاف اپنا آخری میچ ہار گئی تھی۔
یہاں یہ بات اہم ہے بابر اعظم پشاور زلمی کے سب سے زیادہ رنز بنانے والے کھلاڑی ہیں، بابراعظم نے 130 کے اسٹرائیک ریٹ سے 178 رنز بنائے ہیں۔ ٹام کوہلر- کیڈمور نے بھی 173 کے اسٹرائیک ریٹ سے 160 رنز بنائے ہیں۔
عماد وسیم 176 کے اسٹرائیک ریٹ سے 180 رنز کے ساتھ کراچی کنگز کے سب سے زیادہ رنز بنانے والے کھلاڑی ہیں، انہوں نے 12 چھکے اور 11 چوکے لگائے۔ شعیب ملک نے بھی 135 کے اسٹرائیک ریٹ سے 174 رنز بنائے ہیں۔
خدشہ ہے کہ آج بھی کراچی کنگز اپنے اہم باؤلر محمد عامر کے بغیر ہو گی جو 22 فروری کو ملتان سلطانز کے خلاف انجری کا شکار ہو گئے تھے۔