سابق صدر مملکت آصف زرداری کی صاحبزادی بختاور بھٹو نے والد اور بھائی بلاول بھٹو کی خوشگوار موڈ میں تصویر شیئر کر دی ہے۔
سماجی رابطے کی سائٹ ’ایکس‘ پر بختاور بھٹو کی پوسٹ کی گئی تصویر میں آصف زرداری، بلاول بھٹو، فریال تالپور اور بختاور خود موجود ہیں۔
بختاور بھٹو نے تصویر کے کیپشن میں لکھا کہ سرخیوں پر یقین نہ کریں۔
Don’t believe the headlines – we’re only & always about family first.
Photo credit @aseefabz ♥️ pic.twitter.com/btP69SNCkO
— Bakhtawar B-Zardari (@BakhtawarBZ) November 25, 2023
واضح رہے کہ نجی ٹی وی پر آصف زرداری کے انٹرویو کے بعد میڈیا پر یہ خبریں گردش کر رہی تھیں کہ باپ بیٹے کے درمیان اختلافات پیدا ہو گئے ہیں۔
واضح رہے کہ آصف زرداری نے اپنے ایک انٹرویو میں کہا تھا کہ بلاول بھٹو ابھی زیر تربیت ہے۔
آصف زرداری کے اس انٹرویو کے بعد بلاول بھٹو اپنے ’ایکس‘ اکاؤنٹ پر پروفائل تصویر بھی تبدیل کر دی تھی، نئی تصویر میں بلاول بھٹو اپنی والدہ کے ساتھ موجود ہیں۔
اس کے بعد چیئرمین پی پی پی بلاول بھٹو زرداری دبئی روانہ ہو گئے تھے جس کی وجہ سے اختلافات کی خبروں کو تقویت ملی تھی مگر پیپلزپارٹی کی قیادت اس کی تردید کر رہی ہے۔
یہ بھی یاد رہے کہ اس سے قبل بلاول بھٹو زرداری نے اپنے خطاب میں کہا تھا کہ بزرگ سیاستدانوں کو اب سیاست چھوڑ دینی چاہیے۔ جس پر کچھ تجزیہ کاروں نے کہا تھا کہ پی پی چیئرمین نے اپنے والد سمیت نوازشریف اور مولانا فضل الرحمان کو پیغام دیا ہے۔