پاکستان کرکٹ بورڈ (پی سی بی) نے فاسٹ بولرز حارث رؤف، زمان خان اور اسپنر اسامہ میر کو بگ بیش لیگ کھیلنے کے لیے این او سی جاری کردیا ہے۔
پاکستان کرکٹ بورڈ نے یہ این او سی ان کھلاڑیوں کے ورک لوڈ اور پاکستان مینز ٹیم کے مستقبل کے ٹور پروگرام کو مدنظر رکھتے ہوئے جاری کیا ہے۔
پی سی بی کے مطابق بورڈ یہ سمجھتا ہے کہ یہ فیصلہ تمام اسٹیک ہولڈرز کے بہترین مفاد میں ہے جس میں گیم ٹائم اور ورک لوڈ منیجمنٹ کے درمیان توازن سب سے زیادہ اہمیت کا حامل ہے۔
پی سی بی کے مطابق حارث رؤف اور اسامہ میر کو 5 میچوں کے لیے این او سی جاری کیا گیا ہے جبکہ زمان خان کو یہ این او سی 4 میچوں کے لیے دیا گیا ہے۔ یہ تمام میچز 7 سے 28 دسمبر کے درمیان ہونے ہیں۔
