کپتان شان مسعود کی قیادت میں پاکستان ٹیسٹ کرکٹ ٹیم ان دنوں آسٹریلیا میں میزبان ٹیم کے خلاف ٹیسٹ سیریز کھیلنے کے لیے موجود ہے۔
ٹیسٹ سیریز سے قبل ان دنوں پاکستان اور آسٹریلین پرائم منسٹر الیون کی ٹیموں کے مابین 4 روزہ میچ کینبرا میں کھیلا جارہا ہے۔ اس میچ کے دوران پاکستان کرکٹ ٹیم کے لیگ اسپنر ابرار احمد نے اپنے دائیں پیر میں تکلیف کی شکایت کی ہے۔ انہیں یہ تکلیف اس 4 روزہ میچ کے تیسرے دن 8 اوورز کرانے کے بعد ہوئی جس کے سبب انہیں میدان سے باہر آنا پڑا۔
25 سالہ ابرار احمد کو ایم آر آئی اسکین کے لیے بھیجا گیا۔ میڈیکل پینل کی جانب سے ایم آر آئی رپورٹس کا جائزہ لینے کے بعد ابرار احمد کے بارے میں مزید معلومات سے میڈیا کو آگاہ کیا جائے گا۔ ابرار احمد نے پرائم منسٹر الیون کے خلاف ابتک 27 اوورز کیے ہیں۔
واضح رہے کہ یہ 4 روزہ میچ ٹیسٹ سیریز کی تیاری کا حصہ ہے۔ پاکستان اور آسٹریلیا کے درمیان تین میچوں کی ٹیسٹ سیریز 14 دسمبر سے 7 جنوری تک کھیلی جائے گی۔
