بیلجیئم، لکسمبرگ اور یورپی یونین میں پاکستان کی سفیر آمنہ بلوچ سے بیلجیئم، لکسمبرگ اور یورپی یونین میں ایران کے سفیر حسین دہقانی نے برسلز میں الوداعی ملاقات کی۔
ملاقات کے دوران دونوں سفرا کے مابین پاکستان اور ایران کے باہمی دلچسپی کے امور پر تبادلہ خیال کیا گیا۔
آمنہ بلوچ کی برسلز میں یونان کے سفیر سے ملاقات
دریں اثنا آمنہ بلوچ نے برسلز میں یونان کے سفیر ڈائونیسیوس کلاموریزوس سے ملاقات کی۔
پاکستانی سفارتخانے نے پیر کو سوشل میڈیا پلیٹ فارم ایکس پر ایک پیغام میں کہا کہ ملاقات میں دو طرفہ تعلقات پر تبادلہ خیال کیا گیا۔ ملاقات میں فریقین نے پاکستان اور یونان کے درمیان تعاون کو بڑھانے کے عزم کا اعادہ کیا۔
دریں اثنا اسلام آباد میں نگراں وفاقی وزیرخزانہ ومحصولات ڈاکٹر شمشاد اختر سے پاکستان میں جمہوریہ چیک کے سفیر لاڈی سلیوشینو بیل نے پیر کوملاقات کی۔
ملاقات میں باہمی دلچسپی کے امور کا جائزہ لیا گیا۔ دونوں رہنماؤں نے پاکستان اور جمہوریہ چیک کے درمیان تجارت اور اقتصادی تعلقات پر بات چیت کی
وفاقی وزیر نے سفیر کا پرتپاک خیر مقدم کیا اور دونوں ملکوں کے درمیان دوطرفہ تعلقات پر روشنی ڈالی۔
