بلوچستان ہائیکورٹ میں قائم ایپیلیٹ ٹریبو نلز نے 88 امیدواروں کو انتخاب لڑنے کی اجازت دے دی۔
عدالت نے 62 خواستوں ہر سماعت کے دوران فریقین کو نوٹسز جاری جبکہ 9 اپیلوں پر فیصلے محفوظ کیے۔
بلوچستان کی قومی اور صوبائی اسمبلی کی نشستوں پر مسترد ہونے والے کاغذات نامزدگی کے فیصلوں کے خلاف دائر اپیلوں پر الیکشن ٹریبونل کی جانب سے سماعت کا سلسلہ جاری ہے۔
مزید پڑھیں
بلوچستان ہائیکورٹ کے ججز پر مشتمل ایپیلیٹ ٹریبو نلز نے جمعرات کو اپیلوں پر سماعت کی۔
جسٹس ہاشم کاکڑ نے کاغذات نامزدگی مسترد ہونے کے خلاف دائر 50 اپیلیں سنیں اور 53 امیدواروں کو الیکشن لڑنے کی اجازت دے دی ، 17 اپیلوں پرسماعت کے دوران فریقین کونوٹسز جاری کیے جبکہ 6 اپیلوں پر فیصلے محفوظ کر لیے۔
اپیلٹ ٹریبیونل نمبر 2 کے جسٹس عامر رانا نے 82 اپیلوں پر سماعت کی۔ سماعت کے دوران 35 امیدواروں کو انتخابات لڑنے کی اجازت دے دی45 درخواستوں پر فریقین کو نوٹسز جاری کیے جبکہ 3 اپیلوں پر فیصلہ محفوظ کیا گیا۔ ٹربیونل نمبر 2 نے 4 اپیلوں کو ایپیلیٹ ٹربیونل نمبر کو منتقل کر دیے۔
