آسٹریلین کرکٹ بورڈ نے ویسٹ انڈیز کے خلاف ہونے والی ہوم ون ڈے اور ٹیسٹ سیریز کے لیے ٹیم کا اعلان کر دیا ہے، ون ڈے ٹیم کی قیادت اسٹیو اسمتھ کریں گے جبکہ پیٹ کمنز ٹیسٹ ٹیم کے کپتان ہوں گے ۔
ویسٹ انڈیز کے خلاف ون ڈے سیریز میں فاسٹ بولر جائے رچرڈسن کو تقریباً 2 سال بعد ٹیم میں شامل کیا گیا جبکہ آسٹریلیا کو آئی سی سی ورلڈ کپ 2023جتوانے والے کپتان پیٹ کمنز کو آرام دے کر ان کی جگہ اسٹیو اسمتھ کو ٹیم کی قیادت سونپی گئی ہے۔
ورلڈ کپ میں شاندار کارکردگی کا مظاہرہ کرنے والے آل راؤنڈر مارکس اسٹوئنس کو ٹیم سے ڈراپ کر دیا گیا ہے۔
آسٹریلین کرکٹ بورڈ نے مچل مارش، جوش ہیزل ووڈ اور مچل اسٹارک کو بھی ون ڈے میچز سے بریک دی ہے اور ان کی جگہ فاسٹ بولر لانس مورس اور جائے رچرڈسن کو ٹیم میں شامل کیا گیا ہے۔
The World Champs return to white-ball action in Feb!
Steve Smith will headline a squad packed with heroes from our recent triumph in India in a three-match series against @windiescricket. pic.twitter.com/HOtylKk7Ha
— Cricket Australia (@CricketAus) January 10, 2024
ٹیم کا اعلان کرتے ہوئے چیف سیلیکٹر جارج بیلی کا کہنا تھا کہ ‘چیمپیئنز ٹرافی 2025 کے لیے قلیل مدت رہ گئی ہے اس لیے ہمیں اپنے کھلاڑیوں کو تیار کرنا ہے اسی غرض سے کچھ کھلاڑیوں کو آرام جبکہ نئے کھلاڑیوں کو موقع دیا گیا ہے تا کہ ٹورنامنٹ سے پہلے وہ بین الاقوامی کرکٹ سے ہم آہنگ ہو سکیں اور ٹورنامنٹ سے پہلے ہماری ایک متوازن ٹیم تیار کی جاسکے’
ون ڈے سیریز کا آسٹریلیا کا اسکواڈ
اسٹیو اسمتھ ( کپتان)، سین ایبٹ، ناتھن ایلس، کیمرون گرین، آرون ہارڈی، ٹریوس ہیڈ، جوش انگلس، مارنس لبوشین، گلین میکسویل، لانس مورس، جائے رچرڈسن، میٹ شارٹ، ایڈم زمپا۔
آسٹریلیا اور ویسٹ انڈیز کی ٹیموں کی درمیان 3 ایک روزہ میچوں کی سیریز آئندہ ماہ کھیلی جائے گی۔ میچوں کا انعقاد سڈنی، میلبرن اور کینبرا میں کیا جائے گا۔
ٹیسٹ سیریز کا اسکواڈ
Time to welcome the Windies.
Matt Renshaw returns to our men’s national squad, with Cam Green named a certain starter for the first Test in Adelaide. pic.twitter.com/cdprTbiiyE
— Cricket Australia (@CricketAus) January 10, 2024
ویسٹ انڈیز کے خلاف ٹیسٹ سریز میں آسٹریلیا کے اسکواڈ میں پیٹ کمنز کو کپتان مقرر کیا ہے، اسکاٹ بولینڈ، الیکس کیری، کیمرون گرین، جوش ہیزل ووڈ، ٹریوس ہیڈ، عثمان خواجہ، مارنس لبوشین، نیتن لیان، مائیکل مارش، میتھیو رینشا، اسٹیو اسمتھ اور مائیکل اسٹیئر ٹیسٹ اسکواڈ میں شامل ہیں۔
آسٹریلیا اور ویسٹ انڈیز کے درمیان پہلا ٹیسٹ سیریز 2024 کا پہلا میچ میں 17 سے 21 جنوری کے درمیان ایڈیلیڈ اوول میں کھیلا جائے گا۔
