اسلام آباد سمیت آزاد کشمیر، پنجاب اور خیبرختونخوا کے مختلف علاقوں میں زلزے کے جھٹکے محسوس کیے گئے، لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔ زلزلہ پیما مرکز کے مطابق ریکٹر اسکیل پر زلزلے کی شدت 6.0 ریکارڈ ہوئی ہے، زلزلے کی گہرائی 213 کلو میٹر تھی اور زلزلے کا مرکز ہندوکش ریجن افغانستان تھا۔
اسلام آباد کے علاوہ پشاور اور لاہور کے گرد و نواح میں زلزلے کے جھٹکے محسوس کیے گئے ہیں۔ پاکستان کے شمالی علاقوں میں بھی زلزلے کے شدید جھٹکے محسوس کیے گئے۔ ماہرین کے مطابق زلزلے کی شدت زیادہ نہیں تھی لیکن دورانیہ زیادہ تھا جو 23 سیکنڈز تک بتایا گیا ہے۔
Significant 6.0 quake hits near Faizabad, Faīẕābād, Badakhshan, Afghanistan
a 6.0-magnitude earthquake struck near Faizabad, Faīẕābād, Badakhshan, Afghanistan. The tremor was recorded around noon on Thursday, January 11th, 2024, at 1:20 pm local time, at an intermediate to… pic.twitter.com/rb4a8X259w
— Weather Updates PK (@WeatherWupk) January 11, 2024
زلزلے کے جھٹکے کوہاٹ، سرگودھا، ایبٹ آباد، مانسہرہ اور دیگر شہروں میں بھی محسوس کیے گئے۔ خوشاب اور چارسدہ میں بھی زلزلے کے جھٹکے محسوس کیے گئے۔
اس کے علاوہ ڈی آئی خان، بنوں، ہنگو، دیامر، پارا چنار، منڈی بہاءالدین، بھکر، نوشہرہ، مظفرآباد، وادی نیلم آزاد کشمیر میں بھی زلزلے کے جھٹکے محسوس کیے گئے، شیخوپورہ، پاکپتن اور گوجرانوالہ میں بھی زلزلے کے جھٹکے محسوس کیے گئے۔
انتظامیہ اور امدادی ٹیمیں صورتحال کا جائزہ لے رہی ہیں، تاہم ابھی تک کسی بھی علاقے سے جانی یا مالی نقصان کی اطلاع نہیں ملی۔ ریسکیو1122 کی ٹیمیں بھی الرٹ ہو چکی ہیں، کسی بھی نقصان کی صورت میں فوراً ٹیموں کو روانہ کیا جائے گا۔
