عوامی مسلم لیگ کے سربراہ شیخ رشید احمد نے کہا ہے کہ حکومتی اتحاد پی ڈی ایم میں پھوٹ پڑ چکی ہے۔ دو نہیں ایک انتخاب ہوگا اس کا فیصلہ بھی جلد ہوگا۔ اس حکومت کا مسئلہ بے روزگاری مہنگائی اور معاشی تباہی نہیں صرف عمران خان کی گرفتاری ہے جو مہنگی پڑے گی اور بڑی غلطی ثابت ہو گی۔
سماجی رابطے کی ویب سائٹ ٹوئٹر پر اپنے ٹوئیٹ میں شیخ رشید نے کہا کہ سابق صدر آصف زرداری کہتے ہیں ڈیفالٹ ہونا معمول کی بات ہے کیونکہ ان کی دولت پاپڑ والے دہی بھلے والے کے ذریعے باہر منتقل ہوچکی ہے۔ بلورانی امریکا میں بلو کے گھر ویمن ڈے منا رہی ہے۔
انہوں نے کہا کہ آئی ایم ایف سے معاملات طے نہیں ہو پا رہے۔ حکومت غریب کے مسائل حل کرنے کے بجائے اپنے مفادات حل کررہی ہے۔ پاکستان کو غریب کے لیے ڈیتھ زون بنا دیا گیا ہے۔
اس حکومت کامسئلہ بےروزگاری مہنگائی اور
معاشی تباہی نہیں صرف عمران خان کی گرفتاری ہےجومہنگی پڑےگی اوربڑی غلطی ثابت ہوگی۔الیکشن کےمعاملے پرسپریم کورٹ کےفیصلوں کوبھی اگرحکومت نہیں مانتی توپھر قوم کدھرجائے۔حکومتی اتحاد میں پھوٹ پڑچکی ہے۔دو نہیں ایک انتخاب ہوگااس کافیصلہ بھی جلد ہوگا— Sheikh Rashid Ahmed (@ShkhRasheed) March 8, 2023
سربراہ عوامی مسلم لیگ نے کہا کہ الیکشن کے معاملے پرسپریم کورٹ کے فیصلوں کوبھی اگر حکومت نہیں مانتی تو پھر قوم کدھر جائے۔
