پاکستانی کرکٹر محمد رضوان نے نیوزی لینڈ کے خلاف ٹی 20 سیریز میں بابر اعظم کے ساتھ ان کا اوپننگ پیئر توڑے جانے پر اپنے تحفظات کا اظہار کرتے ہوئے کہا ہے کہ ان دونوں کی جوڑی اچھی جارہی تھی اور عوام بھی مطمئین تھے لیکن پتا نہیں کیوں وہ فیصلہ کیا گیا۔
محمد رضوان نے کہا کہ کپتان پابر اعظم سے جب جوڑی توڑے جانے کا کہا گیا تو ان کے ساتھ میں بھی اس پر راضی ہوگیا تھا اور مینجمنٹ سے کہا تھا کہ وہ جیسا مناسب سمجھے کرلے۔
مزید پڑھیں
انہوں نے کہا کہ اب ظاہر ہے مینجمنٹ کے نزدیک اس کی کوئی وجہ ہوگی لیکن حقیقت یہ ہے کہ ہماری جوڑی اچھا پرفارم کر رہی تھی اور شائقین بھی اس پر خوش تھے اور اس فیصلے سے ایک مشکل تو بہرحال کھڑی ہوئی ہے۔
قبل ازیں مذکورہ اس فیصلے پر سابق چیئرمین پی سی بی اور معروف کمنٹیٹر رمیز راجہ قومی ٹیم منیجمنٹ پر برس پڑے تھے۔
رمیز راجہ کی کڑی تنقید
سابق چیئرمین پی سی بی کا کہنا تھا کہ بابر اور رضوان کی جوڑی کو اسٹرائیک ریٹ کا بہانہ بنا کر توڑا گیا جو سراسر غلط ہے۔
Rizwan seems to be unhappy with the team management including Muhammad Hafeez pic.twitter.com/mjqAFu73qd
— ٰImran Siddique (@imransiddique89) January 19, 2024
رمیز راجہ نے کہا کہ نئے کھلاڑیوں کو جب لایا جاتا ہے تو وہ صرف لیگ میں پرفارمنس کے بل پر آتے ہیں جبکہ انٹرنیشنل میچز کا پریشر اس سے بالکل مختلف ہے۔
انہوں نے مزید کہا کہ جس جوڑی پر پوری دنیا کے تماشائیوں کی نظر ہوتی ہے اور مخالف ٹیم بھی اس سے ایک پریشر میں رہتی ہے اسے توڑ دیا گیا جو کہ ایک غلط فیصلہ ہے اور اس سے میجنمنٹ کیا حاصل کرلے گی یہ سمجھ سے بالاتر ہے۔
