عوامی مسلم لیگ کے سربراہ شیخ رشید کی اڈیالہ جیل میں طبیعت خراب ہو جانے پر اسپتال منتقل کردیا گیا ہے۔
سابق وزیر داخلہ اور سربراہ عوامی مسلم لیگ شیخ رشید احمد کی اڈیالہ جیل میں طبیعت خراب ہوگئی، انہیں راوالپنڈی انسٹی ٹیوٹ آف کارڈیالوجی منتقل کردیا گیا ہے۔
راولپنڈی انسٹی ٹیوٹ آف کارڈیالوجی میں شیخ رشید احمد کا مکمل طبی معائنہ کیا جائے گا اور ڈاکٹرز کے مشورے کے بعد ہی انہیں جیل منتقل کرنے کا فیصلہ کیا جائے گا۔
واضح رہے کہ سربراہ عوامی مسلم لیگ شیخ رشید احمد کو پولیس نے 9 مئی کے مقدمات میں ضمانت خارج ہونے پر 16 جنوری کو گرفتار کیا تھا، ان کے خلاف حساس ادارے کے دفتر پر حملے کا مقدمہ درج ہے۔
