اس وقت اگر سوشل میڈیا پر کچھ نام وائرل ہیں تو ان میں ثانیہ مرزا، شعیب ملک، عمیر جسوال، اور ثنا جاوید سرفہرست ہیں۔ شعیب اور ثنا جاوید کی شادی کی خبر سب کے لیے ہی حیرانی کا سبب بنی لیکن اس شادی کے بعد لوگ یہ جاننا چاہ رہے تھے کہ ثانیہ مرزا اور عمیر جسوال کہاں اور اس پورے معاملے میں ان کا مؤقف کیا ہے۔
مزید پڑھیں
20 جنوری کو شعیب ملک اور ثنا جاوید کی شادی کی خبر میڈیا کی زینت بنی مگر اگلے 5 دن ثانیہ مرزا سوشل میڈیا سے مکمل طور پر غائب رہیں اور پھر گزشتہ روز انہوں نے انسٹاگرام پر اپنی ایک تصویر شیئر کی۔ دوسری طرف عمیر جسوال تو اب تک مکمل طور پر خاموش اور غائب ہیں۔
لیکن کچھ میڈیا اداروں کی جانب سے یہ بتایا جارہا ہے کہ اس دوران عمیر جسوال نے ثانیہ مرزا سے رابطہ کیا اور دونوں نے اس پوری صورتحال پر اپنے خیالات کا اظہار کیا۔ یہ بھی بتایا جارہا ہے کہ ان دونوں نے اس بات پر مکمل اتفاق کیا ہے کہ ان دونوں کے درمیان جو بھی گفتگو ہوئی ہے وہ میڈیا کے سامنے نہیں لائی جائے گی۔
یہ بھی بتایا جارہا ہے کہ عمیر جسوال کبھی ثنا کو طلاق نہیں دینا چاہتے تھے، لیکن ثنا کے کچھ دوستوں کی جانب سے مسلسل اصرار نے انہیں پریشان کردیا اور عمیر نے دباؤ کا شکار ہوکر طلاق دے دی۔
دوسری طرف شعیب ملک کا خاندان بھی ثانیہ مرزا کو پسند کرتا تھا اور یہی وجہ ہے کہ وہ شعیب ملک کی دوسری شادی سے پہلے ثانیہ سے ملاقات کے لیے دبئی گیا، لیکن ان تمام تر کوششوں کے باوجود مسئلہ حل نہیں ہوسکا۔
