لاہور ہائیکورٹ کے جسٹس شاہد جمیل خان کے استعفیٰ دینے کی وجہ کیا ہے؟

لاہور ہائیکورٹ کے جج جسٹس شاہد جمیل اپنے عہدے سے مستعفی ہوگئے ہیں۔

تفصیلات کے مطابق، جسٹس شاہد جمیل خان نے استعفیٰ کی کاپی صدر پاکستان کو بھجوا دی ہے، تاہم صدر پاکستان کی جانب سے ابھی تک استعفیٰ کی منظوری کی کوئی اطلاع موصول نہیں ہوئی ہے۔

جسٹس شاہد جمیل نے اپنے استعفیٰ میں تحریر کیا کہ وہ آئین کے آرٹیکل 206(1) کے تحت اور ذاتی وجوہات کی بنیاد پر اپنے عہدے سے مستعفی ہو رہے ہیں اور زندگی کا ایک نیا باب شروع کر رہے ہیں۔ انہوں نے اپنے استعفیٰ میں صوابدیدی اختیارات سے متعلق ایک انگریزی ضرب المثل کا محاورتاً بھی استعمال کیا۔

  جسٹس شاہد جمیل نے اپنے استعفے میں علامہ اقبال کے کلام ضرب کلیم سے 4 اشعار بھی تحریر کیے۔

لاہور ہائیکورٹ کے جسٹس شاہد جمیل خان سینیارٹی لسٹ میں گیارہویں نمبر پرتھے، جسٹس شاہد جمیل خان 2014 کو لاہور ہائیکورٹ کے جج کے عہدے پر تعینات ہوئے تھے اور انہوں نے 2029 میں ریٹائر ہونا تھی۔

جسٹس شاہد جمیل نے 22 مارچ 2014 کو ایڈیشنل جج کا حلف اٹھایا، ایک سال بعد وہ ریگولر بنیادوں پر لاہور ہائیکورٹ کے جج مقرر ہوئے۔ موسم سرما کی تعطیلات کے بعد جسٹس شاہد جمیل نے کیسز کی سماعت نہیں کی۔