گلوبل سپر لیگ کے تیسرے میچ میں لاہور قلندرز نے شاندار کارکردگی کا مظاہرہ کرتے ہوئے ڈیزرٹ وائپرز کو 38 رنز سے شکست دے دی۔
لاہور قلندرز نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 176 رنز بنائے۔ کپتان مائیکل بریسویل نے جارحانہ بیٹنگ کرتے ہوئے 23 گیندوں پر ناقابل شکست 46 رنز بنائے، جس میں 4 چوکے اور 3 چھکے شامل تھے۔
Leading from the front! 🫡
Lahore Qalandars Skipper, Michael Bracewell picks up today's Player of the Match! 🇦🇪x🇵🇰#GSL3 #GSLT20 #GlobalSuperLeague #DSvLQ pic.twitter.com/olvznlWf6L
— Global Super League (@gslt20) July 24, 2026
پارویز حسین ایمون نے بھی عمدہ اننگز کھیلی اور 33 گیندوں پر 47 رنز بنا کر ناٹ آؤٹ رہے۔ فَرحان یوسف نے 22 رنز کا حصہ ڈالا، جبکہ شایان جہانگیر نے 28 رنز بنائے۔
ڈیزرٹ وائپرز کی جانب سے خری پیئر نے 2 وکٹیں حاصل کیں جبکہ نیتھن اسمتھ اور وِٹل لاز نے ایک، ایک کھلاڑی کو آؤٹ کیا۔
ہدف کے تعاقب میں ڈیزرٹ وائپرز کی ٹیم مقررہ 20 اوورز میں 9 وکٹوں پر 138 رنز ہی بنا سکی۔ اوپنر اینڈریز گوس نے سب سے زیادہ 56 رنز بنائے جبکہ کائل میئرز نے 30 رنز کی اننگز کھیلی۔
🔙 to 🔙 wins for the Lahore Qalandars! 🇦🇪x🇵🇰#GSL3 #GSLT20 #GlobalSuperLeague #DSvLQ pic.twitter.com/0Cms0TTWNf
— Global Super League (@gslt20) July 24, 2026
لاہور قلندرز کے اسپنر اسامہ میر نے تباہ کن بولنگ کرتے ہوئے 4 اوورز میں 23 رنز دے کر 4 وکٹیں حاصل کیں۔ شاہاب خان نے 2 جبکہ مہران ممتاز اور محمد عمران نے ایک، ایک وکٹ حاصل کی۔
مائیکل بریسویل کو آل راؤنڈ کارکردگی پر میچ کا بہترین کھلاڑی قرار دیا گیا۔
