پاکستان تحریک انصاف کے بانی عمران خان کی اہلیہ بشریٰ بی بی نے کہا ہے کہ عدت کا معاملہ قرآن مجید میں ہے اور سب واضح ہے۔
آج اسلام آباد کی عدالت نے عمران خان اور بشریٰ بی بی کو عدت کے دوران نکاح کے مقدمے میں 7،7 سال قید اور 5،5 لاکھ روپے جرمانے کی سزا سنائی ہے۔
مزید پڑھیں
اڈیالہ جیل میں صحافیوں سے غیر رسمی گفتگو کے دوران بشریٰ بی بی نے کہاکہ یہ غیرت اور بے غیرتی کی جنگ ہے اور فیصلہ عوام نے کرنا ہے۔
انہوں نے کہاکہ میرے رب نے قرآنِ پاک میں عدت سے متعلق پہلے ہی بتا دیا ہے۔
واضح رہے کہ بشریٰ بی بی نے خاور مانیکا سے طلاق لینے کے بعد عمران خان سے شادی کی تھی۔
عمران خان اور بشریٰ بی بی پر یہ الزام تھا کہ انہوں نے عدت کے دوران ہی نکاح کیا جبکہ بعد میں ایک بار پھر نکاح کیا گیا۔
بشریٰ بی بی کے سابق شوہر خاور مانیکا نے بھی اپنی سابقہ اہلیہ اور عمران خان پر سنگین الزامات عائد کیے تھے۔
