الیکشن کمیشن آف پاکستان (ای سی پی ) نے انتخابی نتائج کی ترتیب اور تدوین کے لیے تیار کیے گئے الیکشن مینجمنٹ سسٹم (ای ایم ایس) کی ہفتہ کے روز ایک اور تجرباتی مشق کی ہے جس میں تمام مطلوبہ مراحل اور اہداف کو کامیابی کے ساتھ مکمل کیا گیا۔
مزید پڑھیں
الیکشن کمیشن آف پاکستان کے ترجمان کے مطابق ’ ای ایم ایس ) کی تجرباتی مشق میں ملک بھر کے 859 انتخابی حلقوں کے ریٹرننگ آفیسرز شریک ہوئے اور اس نظام کی تمام حوالوں سے آن لائن اور آف لائن دونوں صورتوں میں اہلیت کو جانچا گیا اور اسے ہر لحاظ سے اطمینان بخش پایا گیا۔
کمیشن کے ترجمان نے مزید بتایا کہ اس کا بنیادی مقصد انتخابی نتائج کی ترتیب اور تدوین ہے اور اس کا استعمال انتخابات کے دن 8 فروری کو ہو گا۔
#ECP pic.twitter.com/pQKuYm99bp
— Election Commission of Pakistan (OFFICIAL)🇵🇰 (@ECP_Pakistan) February 3, 2024
یہ نظام آن لائن اور آف لائن موڈ دونوں صورتوں میں یکساں رفتار اور اہلیت سے کام کرتا ہے۔آج کی تجرباتی مشق نے ’ ای ایم ایس ‘ کو مکمل فعال اور مؤثر ثابت کیا۔
اس مشق کے دوران میں ’ ای ایم ایس ‘ کے ذریعے انتخابی نتائج کی ترسیل اور فارم۔47 جنریٹ کرنے کا عمل بھی کئی بار دہرایا گیا اور اس حوالے سے ’ای ایم ایس‘ کی کارکردگی کو تسلی بخش پایا گیا۔