’آگے آگے دیکھیے ہوتا ہے کیا‘، عون چوہدری کا آزاد امیدواروں کی جیت پر بیان

استحکام پاکستان پارٹی (آئی پی پی) کے رہنما عون چوہدری نے کہاکہ ہے آزاد امیدواروں کی بڑی تعداد میں جیت پر ہمیں کوئی حیرت نہیں ہورہی، دیکھتے جائیں آگے آگے کیا ہوتا ہے۔

نجی ٹی وی سے گفتگو کرتے ہوئے عون چوہدری نے کہاکہ ہم ملک میں سیاسی استحکام لانا چاہتے ہیں، مسلم لیگ ن سے ہماری انڈر اسٹینڈنگ ہے۔

انہوں مزید بات کرتے ہوئے کہاکہ آزاد امیدواروں کو پاکستان کے بارے میں سوچنا چاہیے، کچھ بھی ہو ملک کی بہتری کے لیے کردار ادا کرنا چاہیے۔

عون چوہدری کا کہنا تھا کہ پارٹی سربراہان کی جانب سے ملک کی بہتری میں فیصلے کیے جائیں گے۔

واضح رہے کہ استحکام پاکستان پارٹی کے رہنما عون چوہدری نے لاہور سے قومی اسمبلی کی نشست پر کامیابی حاصل کی ہے، جبکہ ان کے مدمقابل پی ٹی آئی کے حمایت یافتہ آزاد امیدوار سلمان اکرام راجا دوسرے نمبر پر رہے ہیں۔