جماعت اسلامی نے سندھ ہائیکورٹ میں چیف الیکشن کمشنر سکندر سلطان راجہ سمیت دیگر کے خلاف کراچی کی صوبائی اسمبلی کی نشستوں کے نتائج کا اعلان کرنے پر توہین عدالت کی درخواست دائر کی ہے۔
جماعت اسلامی کے نامزد سندھ اسمبلی کے امیدواروں نے ایڈووکیٹ عثمان فاروق کے توسط سے
توہین عدالت کی درخواست دائر کرتے موقف اپنایا ہے کہ سندھ ہائی کورٹ نے کمیشن کو امیدواروں کو سن کر فیصلہ کرنے کی ہدایت کی تھی۔
’چیف الیکشن کمشنر سلطان راجہ نے سندھ ہائی کورٹ کے فیصلے کی توہین کرتے ہوئے نوٹیفیکشن جاری کیے، چیف الیکشن کمشنر نے ہمیں سنے بغیر فیصلہ کر دیا جو کہ توہین عدالت ہے، سکندر سلطان راجہ کے خلاف کارروائی کی جائے۔‘
درخواست گزاروں میں جنید مکاتی، وجیہہ الحسن، نصرت اللہ، محمد احمد اور محمد اکبر شامل ہیں۔
