قومی کرکٹ ٹیم کے سابق کپتان شاہد آفریدی پر پنجاب پولیس کی جانب سے دھوکہ دہی کی دفعات کے تحت مقدمہ درج کرنے کا دعویٰ جھوٹ نکلا۔
پنجاب پولیس نے شاہد آفریدی کے خلاف دھوکہ دہی کا مقدمہ درج کرنے کی تردید کی ہے. اور ایسی تمام خبروں کو من گھڑت قرار دیا ہے۔
بعض سوشل میڈیا اکاؤنٹس پر سابق کرکٹر شاہد آفریدی کے خلاف تھانہ روات ضلع راولپنڈی میں دھوکہ دہی کی دفعات کے تحت ایف آئی آر درج ہونے کے حوالے سے چلنے والی خبروں میں قطعی طور پر کوئی صداقت نہیں ہے، سابق کرکٹر شاہد آفریدی کے خلاف کسی قسم کی کوئی ایف آئی آر درج نہیں کی گئی۔ مدعی مقدمہ… https://t.co/APp2d1G0aF pic.twitter.com/a0XsWks6hn
— Punjab Police Official (@OfficialDPRPP) February 27, 2024
پنجاب پولیس نے وضاحت کرتے ہوئے کہاکہ بعض سوشل میڈیا اکاؤنٹس پر دعویٰ کیا جا رہا ہے کہ سابق کپتان قومی کرکٹ ٹیم شاہد آفریدی کے خلاف تھانہ روات ضلع راولپنڈی میں دھوکہ دہی کی دفعات کے تحت مقدمہ درج کیا گیا ہے، مگر ان خبروں میں کوئی صداقت نہیں ہے۔
پنجاب پولیس نے بتایا کہ شاہد آفریدی کے خلاف پنجاب میں کسی بھی قسم کی کوئی ایف آئی آر درج نہیں ہوئی۔
پولیس کے بیان کے مطابق مدعی مقدمہ نے ایف آئی آر دیگر افراد کے خلاف درج کروائی، جس کے متن میں پرنٹ، الیکٹرانک اور سوشل میڈیا پر چلنے والے اشتہار کا ذکر ہے۔
واضح رہے کہ کچھ روز قبل یہ خبریں سامنے آئی تھیں کہ شاہد آفریدی اور کچھ دیگر شخصیات کے خلاف راولپنڈی میں دھوکہ دہی کا مقدمہ درج کیا گیا ہے۔
