پاکستان سمیت دنیا بھر میں جنگلی حیات کا عالمی دن منایا جارہا ہے۔ اس عالمی دن کا مقصد جنگلی حیات کے تحفظ کی اہمیت اور خطرے سے دوچار جنگلی حیات کے تحفظ کی ضرورت کے بارے میں شعور اجاگر کرنا ہے۔
دُنیا بھر میں جنگلی حیات کے عالمی دن کو منانے کا ایک مقصد اس سیارے (زمین ) پر موجود جانوروں اور انسان کے درمیان ایک تعلق کو جوڑنا بھی ہے، اس کے علاوہ جنگلی حیات کے تحفظ میں ڈیجیٹل جدت طرازی کو بھی تلاش کرنا ہے۔
جنگلی حیات کے عالمی دن 2024 (ڈبلیو ڈبلیو ڈی ) کا پوسٹر پینانگ، ملائیشیا سے تعلق رکھنے والے ایک باصلاحیت ڈیجیٹل ڈیزائن طالب علم چینگ ہوئی شین نے تیار کیا ہے۔
جنگلی حیات کا عالمی دن منانے کی اہمیت اس حوالے سے بھی اجاگر ہوتی ہے کہ یہ دنیا بھر کے لوگوں کو اپنے سیارے پر موجود جنگلی حیات کی خوبصورتی اور تنوع کا جشن منانے کا موقع فراہم کرتا ہے۔
اس دن کی مناسبت سے جنگلی حیات کو درپیش خطرات کے بارے میں آگاہی پیدا کرکے ان کی بقا کے لیے کی جانے والی کوششوں میں عالمی سطح پر حمایت حاصل کی جا سکتی ہے۔
