وزیراعلیٰ پنجاب مریم نواز شریف نے اچانک لاہور میں وحدت کالونی میں واقع گورنمنٹ پائلٹ گرلز سیکنڈری اسکول کا دورہ کیا اور طالبات میں گھل مل گئیں۔
پیر کے روز وزیر اعلیٰ پنجاب مریم نواز شریف کینسر ہسپتال سائٹ کا دورہ کرنے کے بعد اچانک وحدت کالونی پہنچ گئیں اور بغیر شیڈول گورنمنٹ پائلٹ سیکنڈری گرلز سکول کا اچانک دورہ کیا۔
وزیر اعلیٰ پنجاب مریم نواز شریف کینسر ہسپتال سائٹ وزٹ کرنے کے بعد اچانک وحدت کالونی اسکول کا دورہ کرنے پہنچ گئیں pic.twitter.com/xKvB0hiCY9
— Pervaiz Sandhila (@chsandhilaa) March 4, 2024
وزیر اعلیٰ مریم نواز شریف خاموشی کے ساتھ جاکر کلاس کی 8 کلاس کی طالبات کے ساتھ بیٹھ گئیں، اسکول کی طالبات وزیر اعلیٰ مریم نواز شریف کو اپنے درمیان دیکھ کر حیران اور خوش ںظر آئیں۔
سکول کا دورہ کرنے کے وقت 8 کلاس میں اردو کا ٹیسٹ ہو رہا تھا، وزیر اعلیٰ مریم نواز شریف نے طالبات سے مضمون کے عنوان کے دریافت کیے، وہ کم سن طالبہ نور فاطمہ کے ساتھ ڈیسک پر بیٹھ گئیں اور بات چیت کی، طالبہ کی طرف سے درست جواب ملنے پر وزیر اعلیٰ مریم نواز شریف نے انہیں سراہا اور پیار کیا۔
مریم نواز شریف نے خالی ریپر دیکھ کر طالبات کو اپنا کلاس روم صاف رکھنے کی ترغیب دی اور کلاس ٹیچر کو ٹیسٹ اور تدریسی کام جاری رکھنے کو کہا، وزیر اعلیٰ نے بچیوں سے اسکول میں درپیش مسائل اور ضروریات کے بارے میں دریافت کیا۔
وزیر اعلیٰ پنجاب مریم نواز شریف اچانک وحدت کالونی اسکول کا دورہ pic.twitter.com/1cwEdalb7Z
— Sabir Tanoli (@sabirtanoli786) March 4, 2024
طالبات نے وزیراعلیٰ مریم نواز شریف سے اسکول کی لائبریری اور لیب میں بہتری لانے اور اسکول میں تقریبات کرانے کا مطالبہ کیا۔
مریم نواز شریف نے مذکورہ اسکول میں کلاس دہم کے بورڈ کے امتحانی مراکز کا بھی دورہ کیا، انہوں نے انتہائی خاموشی سے امتحانی مرکز کا جائزہ لیا اور طالبات کو امتحان دیتے دیکھا۔
مریم نواز شریف نے 8 ویں کلاس کے دوسرے سیکشنز کا بھی دورہ کیا اور لائبریری، بیالوجی لیب اور اسپورٹس روم کا معائنہ کیا، انہوں نے اسکول میں کھیل کے میدان کا بھی دورہ کیا اور اسے بہتر بنانے کی ہدایت کی۔
وزیر اعلیٰ مریم نواز شریف نے بورڈ میں پوزیشن لینے والی کھلاڑی طالبات کے ساتھ فوٹو بنوائی اور انہیں آٹو گراف دیا اور اسکول اسٹاف کے کہنے پر گروپ فوٹو بنوایا، انہوں نے اسکول کی وزیٹر بک میں اپنے تاثرات بھی درج کیے ہیں۔
اس موقع پر مریم نواز شریف نے اسکول کی ہونہار طالبات سے ملاقات اور بات چیت کو خوش کن قرار دیا ہے۔
