مریدکے میں مسلم لیگ (ن) کے رہنما اور سابق چیئرمین بلدیہ شیخ شبیر احمد قاتلانہ حملے میں جاں بحق ہوگئے۔
پولیس کے مطابق شیخ شبیر احمد اپنی فلور ملز سے کار میں سوار ہوکر لاہور میں واقع اپنے گھر جا رہے تھے کہ جی ٹی روڈ پر مریدکے کے قریب گھات لگائے کار سوار نامعلوم ملزمان نے ان کی گاڑی پر فائرنگ کردی۔
یہ بھی پڑھیں:لاہور میں 3 کمسن بہن بھائیوں کا بہیمانہ قتل، پولیس کی تحقیقات جاری
فائرنگ کے نتیجے میں شیخ شبیر احمد شدید زخمی ہوگئے اور زخموں کی تاب نہ لاتے ہوئے دم توڑ گئے، جبکہ حملہ آور واردات کے بعد موقع سے فرار ہوگئے۔
اِنّا لِلّٰهِ وَاِنّا اِلَيْهِ رَاجِعُوْن
مرید کے:ن لیگ کےسابق چیئرمین بلدیہ شیخ شبیر قاتلانہ حملے میں جاں بحق، #News pic.twitter.com/cgdlZYRaDa— Mian Ashraf (@Ashraf10Mian) September 11, 2026
پولیس نے مقتول کی لاش پوسٹ مارٹم کے لیے تحصیل ہیڈ کوارٹر اسپتال مریدکے منتقل کردی ہے۔
پولیس کا کہنا ہے کہ واقعے کی تحقیقات جاری ہیں اور ملزمان کی شناخت اور گرفتاری کے لیے سی سی ٹی وی کیمروں کی مدد لی جا رہی ہے۔
