اسرائیل کی حمایت پر مردان میں واقع انٹرنیشنل فوڈ چین کے ایف سی کی برانچ کے سامنے احتجاجی مظاہرے کے بعد برانچ کو زبردستی زنجیریں اور تالے لگا کر بند کر دیا گیا۔
کے ایف سئ برانچ کے خلاف احتجاجی کا آغاز مردان ڈسٹرک کونسل ہال سے شروع ہوا۔ قبل ازیں اجلاس کے دوران عوامی نیشنل پارٹی سے تعلق رکھنے والے میئر مردان حمایت اللہ مایار نے کے ایف سی مردان کو بند کرنے کے لیے قرار داد پیش کی تھی جسے متفقہ طور پر منظور کر لیا گیا تھا۔
مزید پڑھیں
قراداد کی منظوری کے بعد بڑی تعداد میں لوگ جمع ہوئے اور میئر حمایت اللہ کی سربراہی میں مظاہرین افطار کے بعد کے ایف سی مردان برانچ کے سامنے پہنچ گئے اور مظاہرہ کیا۔
مظاہرین نے فوڈ برانچ کو زبردستی زنجیر ین اور تالے لگا کر بند کر دیا۔ احتجاجیوں نے اسرائیل کے خلاف نعرہ بازی کی اور اسرائیلی منصوعات کے مکمل بائیکاٹ کا مطالبہ بھی کیا۔
مظاہرے کے وقت فسٹ مذکورہ فوڈ چین میں گاہک نہیں تھے صرف عملہ موجود تھا جسے باہر نکل دیا گیا۔ اس دوران عملے کے افراد خاصے خوفزدہ دکھائی۔
مئیر مردان نے مظاہرین سے خطاب کے دوران کہا کہ وہ فلسطین میں ظلم اور اسرائیل کے خلاف نکلے ہیں اور آگاہی دے رہے ہیں کہ اسرائیل کی منصوعات کا مکمل بائیکاٹ ہونا چاہیے۔
حمایت اللہ مایار نے کہا وہ مقامی کاروبار کے خلاف نہیں ہیں لیکن اسرائیلی منصوعات کا مکمل بائیکاٹ چاہتے ہیں۔ فوڈ برانچ کو بند کرنے کے بعد مظاہرین پر امن طور پر منتشر ہو گئے۔
