سابق وزیر اعظم ذوالفقار علی بھٹو کی پوتی فاطمہ بھٹو کے ہاں بیٹے کی پیدائش ہوئی، بیٹے کا نام مرحوم والد کے نام پر میر مرتضیٰ رکھ دیا۔ فاطمہ نے سوشل میڈیا پر بیٹے کی پیدائش کی اطلاع دی۔
View this post on Instagram
مصنفہ اور ادیبہ فاطمہ بھٹو نے انسٹاگرام پر پوسٹ کرتے ہوئے لکھا کہ گراہم اور مجھے یہ اطلاع دیتے ہوئے خوشی محسوس ہورہی ہے کہ ہمارے گھر بیٹے کی پیدائش ہوئی ہے۔ مجھ اور میری فیملی کو اپنی دعاؤں میں یاد رکھیں۔
مزید پڑھیں
فاطمہ بھٹو کا مزید کہنا تھا کہ میں اس دنیا میں آنے پر اپنے بیٹے کو ایسا نام دینا چاہتی تھی جو بہادری اور رحم دلی کا عکاس ہواور جو میرے بیٹے کو محبت اورمضبوطی کا احساس فراہم کرے۔ یہ سب سوچنے کے بعد جو نام میرے ذہن میں آیا وہ میرے والد کا تھا۔
فاطمہ نے مزید لکھا کہ جب بھی وہ سوچتی تھیں کہ کون سا نام ہے جس میں یہ سب خصوصیت موجود ہو تو ان کے ذہن میں ہمیشہ اپنے پیارے والد کا نام آتا تھا۔
واضح رہے فاطمہ بھٹو 28 اپریل 2023 کو کراچی میں اپنے آبائی گھر 70 کلفٹن میں ہونے والی ایک سادہ تقریب میں امریکی شہری گراہم (جبران ) کے ساتھ نکاح کے بندھن میں بندھی تھیں۔
