پاکستان میں جاپان کے سفارتخانے نے بدھ کو جاپان سیلف ڈیفینس فورسز ڈے کی 72 ویں سالگرہ کے موقعے پر ایک پروقار استقبالیہ کا اہتمام کیا۔
یہ بھی پڑھیں: جاپان حکومت کے تعاون سے مری میں سڑک کی تعمیر مکمل، اسکولوں اور اسپتالوں تک رسائی آسان
سرینا ہوٹل اسلام آباد میں منعقد ہونے والی تقریب کے مہمان خصوصی وفاقی وزیر دفاع خواجہ محمد آصف تھے جبکہ سابق وزیراعظم پاکستان اور رکن قومی اسمبلی راجہ پرویز اشرف بھی اس موقعے پر موجود تھے۔
تقریب کی میزبانی پاکستان میں جاپان کے سفیر اکاماتسو شوئیچی اور ان کی اہلیہ مسز اکاماتسو یومیکو نے کی۔ جاپانی سفارتخانے میں تعینات ڈیفینس اتاشی کرنل ٹویوڈا تاکیشی بھی موجود تھے۔
تقریب میں سفارتکاروں، مسلح افواج کے افسران، حکومتی حکام اور دیگر معزز مہمانوں کی بڑی تعداد نے شرکت کی۔
مزید پڑھیے: جھکنا صرف سلام نہیں ہوتا: جاپانی باڈی لینگویج کے ان کہے اصول
اس موقعے پر مہمانوں نے جاپان سیلف ڈیفینس فورسز ڈے کا کیک کاٹا اور پاکستان اور جاپان کے درمیان دفاعی تعاون اور دوطرفہ تعلقات کو مزید مضبوط بنانے کے عزم کا اظہار کیا۔
