پاکستان کے لیجنڈ اداکار محمد علی کو مداحوں سے بچھڑے 18برس بیت گئے ہیں، اس مناسبت سے (آج بروز منگل) ان کی 18 ویں برسی کو منائی گئی۔ نجی ٹی وی کے مطابق محمد علی 19 اپریل 1931 کو بھارت کے شہر رامپور میں پیدا ہوئے۔
محمد علی کا خاندان 1947 میں تقسیم کے بعد ہندوستان سے کراچی ہجرت کر گیا تھا۔ انہوں نے 1956 میں ریڈیو پاکستان حیدرآباد اسٹیشن میں بطور براڈکاسٹر شمولیت اختیار کی، بعد ازاں وہ ریڈیو پاکستان کراچی چلے گئے جہاں اس وقت کے ڈائریکٹر جنرل ذوالفقار علی بخاری ان کے اداکاری کے لیے ان کے سرپرست بن گئے۔
فلمی کیریئر کا آغاز
مزید پڑھیں
محمد علی نے اپنے فلمی کیریئر کا آغاز 1962 میں کیا۔ وہ 94 فلموں میں مرکزی اداکار اور ‘ہیرو’ تھے۔ انہوں نے اپنے کیرئیر میں 10 نگار ایوارڈ حاصل کیے۔ وہ آج کے دن 2006 میں دل کا دورہ پڑنے سے لاہور میں انتقال کر گئے تھے۔
