کورونا ایک بار پھر سر اٹھانے لگا ہے۔ ایک دن میں 133 نئے کیسز سامنے آگئے۔ مثبت کیسز کی شرح 2 اعشاریہ 70 تک پہنچ گئی۔ 15 مریضوں کی حالت تشیویشناک ہے۔
قومی ادارہ صحت کے مطابق گزشتہ 24 گھنٹوں کے دوران ، ملک بھر میں کورونا کے 4 ہزار 917 ٹیسٹ کیے گئے۔ جن میں سے 133 افراد میں کورونا وائرس کی تشخیص ہوئی ہے۔ 15 مریضوں کی حالت تشویشناک بتائی جاتی ہے۔
COVID-19 Statistics 17 March 2023
Total Tests in Last 24 Hours: 4,917
Positive Cases: 133
Positivity %: 2.70%
Deaths: 00
Patients on Critical Care: 15
(shared by NCOC-NIH)— NIH Pakistan (@NIH_Pakistan) March 17, 2023
این سی او سی نے کورونا کی نئی اقسام کے پھیلاؤ کا خدشہ ظاہر کر دیا۔30 اپریل تک رش والی جگہوں پر ماسک پہننا لازمی قرار دیدیا۔
این آئی ایچ حکام کا کہنا ہے کہ ملک بھر میں مثبت کیسز کی شرح 2 اعشاریہ 70 تک پہنچ گئی ۔ سب سے زیادہ اسلام آباد میں شرح 6 اعشاریہ 46۔ لاہور میں 5 اعشاریہ 36۔ راولپنڈی میں ایک اعشاریہ 52 جب کہ فیصل آباد میں کیسز کی شرح 1 اعشاریہ 49 فیصد ریکارڈ کی گئی ہے۔
دوسری جانب این سی او سی حکام کا کہنا ہے کہ کورونا کا نیا ویرینٹ دنیا بھر میں دوبارہ پھیل رہا ہے۔ 30 اپریل تک رش والی جگہوں پر ماسک لازمی پہن کر جائیں اس کے علاوہ اسپتالوں اور دیگر ہلیتھ کیئر سینٹرز میں بھی ماسک کا استعمال لازمی کریں۔
