بشریٰ بی بی کو ’زہریلی خوراک دیے جانے پر‘ کے پی کا پنجاب حکومت سے رابطہ

وزیر صحت خیبرپختونخوا نے بشریٰ بی بی کی صحت کے حوالے سے چیف سییکرٹری پنجاب کے نام خط میں تحفظات کا اظہار کرتے ہوئے کہا ہے کہ کے پی حکومت کی ڈاکٹروں کی ٹیم کو سابق خاتون اول کا معائنہ کرنے کی اجازت دی جائے۔

مزید پڑھیں

• میرے کھانے میں ٹوائلٹ کلینر ملایا گیا، بشریٰ بی بی کا دعویٰ

  

• بشریٰ بی بی کو زہر دیے جانے کے کوئی آثار نہیں، ذاتی معالج ڈاکٹر عاصم یوسف

  

• بشریٰ بی بی کو زہر دیا گیا تھا؟ اپوزیشن لیڈر عمر ایوب اور ذاتی معالج کے متضاد بیانات

  

• بشریٰ بی بی کی اڈیالہ جیل میں عمران خان سے ملاقات

  

• ‏جیل حکام کا بشریٰ بی بی کے ٹیسٹ شوکت خانم سے کروانے سے انکار

  

• کیا معدے کی سوزش صرف خوراک میں زہر کے باعث ہوتی ہے؟

  

• عمران خان اور بشریٰ بی بی کی سزا معطل، نیب کا مؤقف سن کر جج بھی حیران

  

• عمران خان نے کس دشمن کو خبر دی جو سزا بھگت رہے ہیں، علیمہ خان

  

خط میں بشریٰ بی بی کو زہریلی خوراک دیے جانے سے متعلق خبروں پر تشویش کا اظہار کرتے ہوئے کہا گیا کہ سابق خاتون اول کو قید کے دوران زہریلی خوراک دیے جانے کی اطلاعات ہیں اور وہ شدید در میں بھی مبتلا ہیں اس لیے خیبر پختونخوا حکومت چاہتی ہے کہ اس کے تشکیل کردہ ڈاکٹروں کا پینل بشریٰ بی بی کے طبی معائنہ کرے۔

خیبر پختونخوا حکومت کی جانب سے لکھے گئے خط میں کہا گیا ہے کہ ڈاکٹروں پر مشتمل پینل بشریٰ بی بی کا تفصیلی معائنہ کرے گا جس کے بعد زہر دیے جانے کی  تصدیق یا تردید ہوسکے گی۔

وزیر صحت کا کہنا تھا کہ طبی معائنہ اور صحت کی خدمات تک رسائی ہر انسان کا بنیادی آئنی حق ہے اور ہمیں امید ہے کہ حکومت پنجاب اس خط کا مثبت جواب دے گی۔

واضح رہے کہ بشریٰ بی بی نے اپنے ایک بیان میں کہا تھا کہ شب معراج کے موقعے پر ان کے کھانے میں ہارپک کے 3 قطرے ملائے گئے تھے۔

انہوں نے کہا کہ ’تحقیق سے پتا چلا کہ ہارپک سے ایک ماہ بعد طبیعت زیادہ خراب ہوتی ہے، مجھے آنکھوں میں سوجن ہوجاتی ہے سینے اور معدے میں تکلیف ہوتی ہے، کھانا اور پانی بھی کڑوا لگتا ہے‘۔