سابق وزیراعظم عمران خان کی اہلیہ بشریٰ بی بی نے آج عید الفطر کے روز اڈایالہ جیل میں اپنے شوہر عمران خان سے ملاقات کی۔ ملاقات کے لیے بشریٰ بی بی کو بنی گالا سے سخت سیکیورٹی میں اڈیالہ جیل لایا گیا جہاں ان کی عمران خان سے ملاقات ہوئی۔
مزید پڑھیں
میڈیا رپورٹس کے مطابق اسلام آباد ہائیکورٹ کے حکم پر بشریٰ بی بی اور عمران خان کے درمیان ہونے والی یہ ملاقات کم و بیش گھنٹہ بھر جاری رہی۔
ملاقات کے اختتام پر پولیس سابقہ خاتون اول کو اڈیالا جیل سے لیکر واپس بنی گالا روانہ ہوگئی۔
واضح رہے کہ اس وقت عمران خان کئی مقدمات کا سامنا کررہے ہیں اور اڈیالہ جیل میں قید ہیں، جب کہ ان کی اہلیہ بشریٰ بی بی کو بنی گالہ میں ان کی رہائش گاہ میں قید رکھا گیا ہے۔
