رواں سال کا پہلا مکمل سورج گرہن جاری ہے تاہم یہ پاکستان میں نہیں دیکھا جاسکتا۔
مزید پڑھیں
محکمہ موسمیات کے مطابق سورج گرہن کا آغاز شمالی میکسیکو میں رات 8 بج کر 42 منٹ (پاکستانی وقت) پر ہوا اور رات 11 بج کر 17 منٹ پر سورج گرہن اپنے عروج پر پہنچ گیا۔
سب سے پہلے سورج گرہن میکسیکو پھر ٹیکساس، اوکلاہوما اور آرکنساس سمیت دیگر شمال مشرقی امریکی ریاستوں اور کینیڈا کے مشرقی صوبوں اور یورپ کے مغربی حصے میں بھی دیکھا جاسکے گا۔
مکمل سورج گرہن جنوبی امریکی ممالک میں دیکھا گیا۔ قبل ازیں جنوبی امریکا میں سنہ 1918 یعنی 106 برس قبل مکمل سورج گرہن دیکھا گیا تھا اور اگلی مرتبہ ایسا ہونے کا امکان سنہ 2079 سے پہلے نہیں ہے۔
سورج گرہن کا اختتام پاکستانی وقت کے مطابق 9 اپریل کی رات 1 بج کر 52 منٹ پر ہوگا۔
مکمل سورج گرہن سے مراد کیا ہے؟
مکمل سورج گرہن کا عمل اس وقت ہوتا ہے جب چاند سورج اور زمین کے درمیان آکر سورج کی روشنی کو مکمل طور پر روک دیتا ہے جس سے کچھ سیکنڈز یا چند منٹ کے لیے مکمل طور پر اندھیرا ہو جاتا ہے اور دن میں رات کا سماں ہوتا ہے۔
