پاکستان تحریک انصاف کے رہنما ارباب شیر علی کا کہنا ہے کہ 9اپریل 2022 کو پاکستان کے جمہوری تسلسل کو توڑا گیا، معشیت اور دیگرمعاملات بہتری کی طرف جارہے تھے کہ اس کو بریک لگ گیا۔ وہ پشاور میں ایم این اے شاندانہ گلزار کیساتھ پریس کانفرنس کر رہے تھے۔
اس موقع پر ارباب شیر علی کا کہنا تھا کہ جنرل باجوہ نے جب یہ دیکھا کہ بانی نے اپنی مرضی کے فیصلے دینا شروع کیے تو اس کے بعد تضاد پیدا ہو گیا۔ 9مئی کے بعد پی ٹی آئی زیر عتاب آئی اور پی ٹی آئی کے اوپر کیسز بنائے گیے۔
کسی پارٹی کو اس طرح ختم نہیں کیا جاسکتا، ارباب شیر علی
ارباب شیر علی کا کہنا تھا کہ کسی پارٹی کو اس طرح ختم نہیں کیا جاسکتا، عوام نے جس طرح پی ٹی آئی کو سپورٹ کیا اس کی تاریخ میں مثال نہیں ملتی ہے۔
مزید پڑھیں
انہوں نے کہا کہ بانی پی ٹی آئی پر درج جعلی کیسز اگر اب بھی ختم نہ کیے گئے تو یہ غیر یقینی اور بے چینی مزید بڑھے گی۔ بانی پی ٹی آئی کو رہا کرنے کی جدوجہد عید کے بعد زور پکڑے گی۔ پی ٹی آئی کی تحریک اب ایک نئے جزبے کے ساتھ اٹھے گی۔
6 ججز کے عائد الزامات کی تحقیقات ابھی ہونی ہے
ارباب شیرعلی نے اسلام آباد ہائیکورٹ کے ججز کی جانب سے لکھے گئے خط کے حوالے سے کہا کہ 6 ججز کے عائد الزامات کی تحقیقات ابھی ہونی ہے۔
پارٹی میں اختلافات کے حوالے سے ان کا کہنا تھا کہ سیاسی جماعتوں میں اختلافات ہونا کوئی بڑی بات نہیں ہے، کور کمانڈر ہاوس جانا وزیر اعلیٰ کی صوابدید ہوتا ہے۔
کچھ لوگ مفاہمت اور کچھ مزاحمت کی سیاست چاہتے، شاندانہ گلزار
اس موقع پر پی ٹی آئی کی ایم این اے شاندانہ گلزار کا کہنا تھا کہ پارٹی میں کچھ لوگ مفاہمت اور کچھ مزاحمت کی سیاست چاہتے ہیں۔
انہوں نے اڈیالہ میں بانی پی ٹی آئی سے ملاقات کا حوالہ دیتے ہوئے کہا کہ بانی سے جیل میں دو بار ملاقات ہوئی ہے، ہر دفعہ بانی نے بنگلہ دیش کی بات کی۔ اڈیالہ جیل کے باہر ہمیں نہیں چھوڑا جارہا لیکن دہشت گرد وہاں پہنچ رہے ہیں۔
شاندانہ گلزار کا کہنا تھا کہ 6 ججز کو ڈرانے کے لیے خط میں پاوڈر بھیجے جارہے ہے، بانی نے واضح کیا ہے کہ کسی صورت ڈیل نہیں کرونگا۔
بانی کو ن لیگ والے جیل میں بھی برداشت نہیں کرسکتے ہے
شاندانہ گلزار کا کہنا تھا کہ بانی کو ن لیگ والے جیل میں بھی برداشت نہیں کرسکتے ہے،بانی کا ساتھ چھوڑنے کے لیے بڑی بڑی آفرز ملی تھی۔
ان کا کہنا تھا کہ آنے والے بجٹ میں مزید مہنگائی آنے والی ہے، دیگر جماعتوں کے ساتھ اتحاد کرنے کے لیے بات چیت چل رہی ہے، ملک میں عید کے بعد واضح تبدیلی نظر آئی گی۔ہمارے کارکن نماز عید اڈیالہ جیل کے سامنے ادا کرینگے۔
