آسٹریلیا کے فاسٹ باؤلر مچل سٹارک نے ایک روزہ میچز کی تاریخ میں پاکستانی آل راؤنڈر شاہد آفریدی کا سب سے زیادہ مرتبہ پانچ کھلاڑیوں کو آؤٹ کرنے کا ریکارڈ برابر کر دیا ہے۔
آسٹریلوی فاسٹ باؤلر نے بھارت میں جاری ایک روزہ سیریز کے دوسرے میچ میں 5 بھارتی کھلاڑیوں کو آؤٹ کر کے یہ ریکارڈ برابر کیا ہے۔
سب سے زیادہ پانچ مرتبہ کھلاڑیوں کو آؤٹ کرنے والی فہرست میں مچل اسٹارک اب تیسرے نمبر پر آچکے ہیں۔
اس فہرست میں پاکستانی فاسٹ باؤلر وقار یونس 13 مرتبہ 5 یا اس سے زیادہ وکٹیں حاصل کرکے پہلے جبکہ سری لنکا کے متھایا مرلی دھرن 10 کے ساتھ دوسرے نمبر پر ہیں۔
شاہد آفریدی نے ایک روزہ میچز کی تاریخ میں 9 مرتبہ 5 یا اس سے زیادہ وکٹیں حاصل کی ہیں۔ آسٹریلیا کے فاسٹ باؤلر مچل سٹارک نے بھارت کے خلاف 5 کھلاڑیوں کو آؤٹ کر کے شاہد آفریدی کا ریکارڈ برابر کر دیا ہے۔