پاکستان تحریک انصاف (پی ٹی آئی ) کی رہنما مہربانو قریشی اور وزیر اطلاعات پنجاب عظمیٰ بخاری کی نجی ٹی وی ’ہم نیوز‘ کے پروگرام ’ہم دیکھیں گے منصور علی خان کے ساتھ‘ میں بحث کرتے ہوئے ویڈیو وائرل ہو گئی۔
مہربانو قریشی نے عظمی بخاری کو تتے توے پر بٹھا دیا ، آپ ہنس کیوں رہی ہیں کیا میں نے لطیفہ سنایا ؟ عظمی بخاری ،
آپ کی باتیں کسی لطیفے سے کم نہیں ! مہربانو قریشی ،
میں آپ کی باری پہ زور زور سے روؤں گی ! عظمی بخاری کی دھمکی 🤣🤣 pic.twitter.com/UH0hddir3f— AMJAD KHAN (@iAmjadKhann) May 6, 2024
وائرل ویڈیو میں دیکھا جا سکتا ہے کہ پروگرام میں گفتگو کے دوران مہربانو قریشی کے ہنسنے پر عظمیٰ بخاری غصے میں آ گئیں اور ان کو تنقید کا نشانہ بناتے ہوئے کہا’ آپ کے لیے پورا ملک لطیفہ ہے، یہ کوئی طریقہ نہیں ہے، تھوڑی سی اخلاقیات ہونی چاہییں۔ جو بندہ پی ٹی آئی میں جاتا ہے اس کے اندر سے اخلاقیات کیوں ختم ہو جاتی ہیں، آپ میری توہین کر رہی ہیں۔‘
مہربانو قریشی نے عظمیٰ بخاری کو جواب دیتے ہوئے کہا’ آپ کی گفتگو لطیفے سے کم نہیں ہے۔ احتجاج، جمہوریت اور اظہار رائے پر پابندی ہے اور اگر مشکل حالات میں ہنس لیں تو کیا اس پر بھی پابندی ہے۔‘
عظمیٰ بخاری کا مزید کہنا تھا’ اب جب آپ بات کریں گی تو میں رونے لگ جاؤں گی۔ جس پر اینکر منصورعلی خان نے کہا:’ مہربانو قریشی! آپ نے ہنسنا نہیں ہے اور عظمیٰ بخاری! آپ نے رونا نہیں ہے۔‘
اس دلچسپ ویڈیو کلپ پر صارفین کی جانب سے مختلف قسم کے تبصرے کیے جا رہے ہیں۔ ایک صارف نے لکھا کہ عظمیٰ بخاری جس بات پر مہر بانو کو اخلاقیات کا درس دے رہی تھیں، 5 منٹ بعد خود وہی حرکت کرتی نظر آئیں۔
مزے کی بات بتاؤں؟
عظمی بی بی جس بات پر مہر بانو کو ایتھکس اور موریلیٹی پر لیکچر دے رہی تھی، وہی حرکت پانچ منٹ بعد خود کر رہی تھی۔
🤣🤣🤣 https://t.co/UnNEB9l5CW— Sheharyar Bhatti (@SheriarbPTI) May 6, 2024
میر باقر شاہ نے ویڈیو پر تبصرہ کرتے ہوئے کہا کہ جب آپ کے پاس کہنے کے لیے کچھ نہیں ہوتا تو آپ ایسی حرکتیں ہی کرتے ہیں۔
When u have nothing to say thats what u do
— mir baqir shah (@MirBaqir) May 7, 2024
شہناز نامی صارف نے میڈیا کو آڑے ہاتھوں لیتے ہوئے کہا کہ پاکستانی میڈیا کے پاس لفظی طور پر یہی رہ گیا ہے، پورے شو میں صرف اس بات پر بحث کی گئی ہے کہ پروگرام میں آپ کو مسکرانے یا ہنسنے کی اجازت ہے۔
This is literally what is left of Pakistan media, the whole show is debated on whether you are allowed to smile or laugh on the show 😂😂 https://t.co/DiOaQrVHkw
— Shehnaz ♥️ (@ShehnazB2IK92) May 6, 2024
ایک ایکس صارف نے اینکر منصورعلی خان کی تعریف کرتے ہوئے کہا کہ ’مہربانو! آپ نے ہنسنا نہیں اور عظمیٰ ! آپ نے رونا نہیں ہے‘ یہ کہتے ہوئے انہوں نے کچھ بھی نہیں کہا اور سب کہہ بھی گئے ہیں۔
مہر صاحبہ آپ نے ہسنا نہیں، عظمی صاحبہ آپ نے رونا نہیں ۔ منصور
کچھ بھی نا کہا کہ بھی گئے ۔ ظالم نے ایک سے ۔۔۔۔۔۔۔۔۔!!!
😄😄😄 https://t.co/j0K7TtuMWj— 𝖍𝖔𝖕𝖊 (@1hp26) May 6, 2024
