پاکستان تحریک انصاف (پی ٹی آئی) کے سینیئر رہنما و سابق وزیراعلیٰ پنجاب پرویز الٰہی جیل سے رہا ہوگئے۔
پرویز الٰہی کوٹ لکھپت جیل سے رہائی کے بعد ظہور الٰہی پیلس پہنچ گئے۔
چودھری پرویز الہی کو جیل سے رہا کردیا گیا۔۔ pic.twitter.com/GgL23s9iYo
— Imran Bhatti (@ReporterBhatti) May 21, 2024
واضح رہے کہ لاہور ہائیکورٹ نے آج پرویز الٰہی کی ضمانت منظور کرتے ہوئے انہیں رہا کرنے کا حکم دیا تھا۔
لاہور ہائیکورٹ نے پنجاب اسمبلی میں بھرتیوں کے کیس میں سابق وزیراعلیٰ پنجاب چوہدری پرویزالٰہی کی درخواست ضمانت منظورکی تھی۔
اینٹی کرپشن کے 4 مقدمات میں ضمانت منظور ہونے کے بعد چوہدری پرویز الٰہی کو جیل سے رہا کیا گیا ہے۔
ایف آئی اے منی لانڈرنگ، پولیس پر پیٹرول بم پھینکنے اور جلاؤ گھیراؤ کے مقدمات میں اس سے قبل پرویز الٰہی کی ضمانت منظور ہوچکی تھی۔
واضح رہے کہ پرویز الٰہی کو 9 مئی واقعات کے بعد پی ٹی آئی قیادت کے خلاف ہونے والے کریک ڈاؤن کے دوران گرفتار کیا گیا تھا، اس دوران ان کی ضمانت بھی ہوتی رہی لیکن کسی دوسرے مقدمے میں گرفتار کرلیا جاتا تھا۔