قسام بریگیڈز نے رفح میں ایک رہائشی عمارت میں اسرائیلی فوج پر گھات لگا کر حملہ کردیا۔
مزید پڑھیں
پیر کو قسام بریگیڈ نے اعلان کیا کہ انہوں نےمذکورہ عمارت کو اڑادیا ہے جس سے اس کے اندر موجود متعدد فوجی ہلاک اور زخمی ہوگئے ہیں۔
الجزیرہ کے مطابق اسرائیلی ہیلی کاپٹروں نے زخمیوں کو علاج کے لیے اسرائیلی اسپتالوں میں منتقل کرنا شروع کر دیا۔
اسرائیلی فورسز نے زخمی فوجیوں کو عمارت سے نکالتے وقت اسموک گرینیڈ پھینکے۔
حماس کے مسلح ونگ نے دعویٰ کیا ہے کہ غزہ کے شہر رفح کے شبورا کیمپ میں نامعلوم تعداد میں اسرائیلی فورسز کو ہلاک اور زخمی کیا ہے۔
ٹیلی گرام پر دیے گئے بیان میں کہا گیا ہے کہ قسام بریگیڈز نے اسرائیلی فورسز کے ساتھ ایک بوبی ٹریپ کے ذریعے عمارت کو دھماکے سے اڑایا۔
تنظیم نے بتایا کہ ریسکیو فورس کی آمد کے فوراً بعد اس کے جنگجوؤں نے گھر کے آس پاس کے علاقے کو بھی تباہ کر دیا۔
