شوبز میں خواتین کی ہاتھا پائی بھی ہوتی ہے، لڑائی اچھی نہیں لیکن ہوجائے تو’ تُن کے رکھو‘، نوشین شاہ

نوشین شاہ کا شمار انٹرٹینمنٹ انڈسٹری کی باصلاحیت اور بولڈ اداکاراؤں میں ہوتا ہے۔ وہ ایک ایسی اداکارہ ہیں جو اپنے زبردست فیشن سینس، اپنے انداز، ٹیلنٹ اور اپنا مافی الضمیر بیان کرنے میں ماہر کے طور پر جانی جاتی ہیں۔

نوشین شاہ بہت سے ہٹ ڈراموں کا حصہ رہی ہیں اور وہ ہمیشہ جان جہاں میں ایک مختصر کردار کے ساتھ بھی اثر چھوڑنے میں کامیاب رہتی ہیں۔

نوشین شاہ الائچی میڈیا کے یوٹیوب چینل کی مہمان تھیں اور انہوں نے انڈسٹری میں ہونے والی لڑائیوں کے بارے میں بات کی۔

وہ کافی صاف گو ہیں۔ انہوں نے خواتین کے ایک دوسرے سے لڑنے کے حوالے سے کیے گئے سوال کا جواب نہایت صاف گوئی سے دیا۔

انہوں نے کہا کہ ہمارے ہاں شو بز میں خواتین کے آپس میں جھگڑے ہوتے ہیں حتیٰ کہ ہاتھا پائی بھی ہوجاتی ہے۔

نوشین نے بتایا کہ ان کی بھی کئی مرتبہ لڑائی ہوچکی ہے۔ وہ اس بات کو یقینی بناتی ہیں کہ وہ لوگوں سے برائی کو نکال پھینکیں۔

انہوں نے کہا کہ کبھی کسی سے لڑنا نہیں چاہیے لیکن اگر لڑائی شروع ہو ہی جائے تو پھر اپنی پوری قوت سے پٹائی (تُن کے رکھو) کریں۔

نوشین نے مزید کہا کہ دوسروں کو گھونسوں نہیں بلکہ دماغ سے مارنا چاہیے۔