سعودی ہیلتھ کونسل نے حجاج کرام سے درخواست کی ہے کہ وہ اپنی اور دوسروں کی سلامتی کے لیے، خاص طور پر عرفات سے مزدلفہ کی روانگی کے وقت گاڑیوں اور بسوں کی چھتوں پر سوار ہونے سے گریز کریں۔
مزید پڑھیں
ہفتہ کے روز غروب آفتاب کے بعد حجاج کرام کی کثیر تعداد مزدلفہ کی جانب روانہ ہو گی، جہاں وہ مغرب اور عشا کی نماز ادا کریں گے اور رات وہیں گزاریں گے۔ یہ عمل نبی کریم صلی اللہ علیہ وسلم کی سنت کی پیروی میں کیا جاتا ہے، جنہوں نے مزدلفہ میں رات گزاری اور فجر کی نماز ادا کی۔
سعودی ہیلتھ کونسل نے مزدلفہ کے لیے روانہ ہونے والوں کے لیے خصوصی ہدایات جاری کیں اور حجاج کرام سے درخواست کی کہ وہ مزدلفہ کے سفر کے دوران اپنی اور دیگر تمام مسافروں کی سلامتی کا خاص خیال رکھیں اور سفر کی دوران بسوں کی چھتوں پر سوار ہونے سے بھی گریز کریں۔
