اسرائیل کی وزارت خارجہ نے آرمینیا کے سفیر کو ’سخت سرزنش‘ کے لیے طلب کیا ہے کیونکہ آرمینیا نے فلسطین کی ریاست کو تسلیم کرنے کا اعلان کیا تھا۔
ٹائمز آف اسرائیل کے مطابق اسرائیل کی وزارت خارجہ نے اس بات کا جائزہ لیا ہے کہ ان اقدامات پر کس طرح رد عمل ظاہر کیا جائے اور مبینہ طور پر ان ممالک کے ساتھ تعلقات کو کم کرنے کی تجویز پیش کی گئی ہے۔
آرمینیا نے فلسطین کو بطور ریاست تسلیم کرلیا
آرمینیا نے فلسطین کو بطور ریاست تسلیم کرنے کا اعلان کیا ہے۔ گزشتہ ماہ سلووینیا، ناروے، آئرلینڈ اور اسپین نے بھی فلسطین کو بطور ریاست تسلیم کرنے کا اعلان کیا تھا۔
میڈیا رپورٹس کے مطابق جمعہ کو آرمینیا کی وزارت خارجہ کی جانب سے جاری بیان میں کہا گیا ہے کہ بین الاقوامی قانون، خودمختاری اور امن کے لیے اپنی وابستگی کی تصدیق کرتے ہوئے جمہوریہ آرمینیا نے فلسطین کی ریاست کو تسلیم کرلیا ہے۔
مزید پڑھیں
بیان میں اسرائیل کی جانب سے شہری آبادی کو نشانہ بنانے کی مذمت اور حماس کی جانب سے شہریوں کو یرغمال بنانے پر تنقید کا نشانہ بنایا اور ان کی رہائی کے بین الاقوامی مطالبے کی حمایت کی۔
فلسطینی اتھارٹی کے ایک سینیئر اہلکار حسین الشیخ نے آرمینیا کی جانب سے اس اقدام کا خیر مقدم کرتے ہوئے آرمینیا کے فیصلے کو حق، انصاف، قانونی حیثیت اور فلسطینی عوام کی آزادی اور آزادی کے لیے جدوجہد کی فتح قرار دیا ہے۔
اسرائیل اور حماس کے درمیان جاری جنگ کے دوران کئی ممالک نے فلسطین کو بطور ریاست تسلیم کیا ہے جس پر اسرائیلی حکام کی طرف سے سخت مذمت کی گئی ہے۔
