پاکستان مسلم لیگ ن ہمیشہ سے یہ دعویٰ کرتی آئی ہے کہ پاکستان تحریک انصاف کے دور حکومت میں ان کے خلاف انتقام لینے کے لیے جھوٹے مقدمات بنائے گئے۔
اب وفاقی وزیر منصوبہ بندی احسن اقبال نے تحریک انصاف کے رہنما فواد چوہدری کا ایک کلپ سماجی رابطوں کی سایٹ ایکس پر شیئر کیا ہے جس میں انہوں نے تسلیم کیا کہ مسلم لیگ ن کے رہنماؤں پر جھوٹے مقدمات بنائے گئے تھے۔
فواد چوہدری نے کہا کہ جب مسلم لیگ کے رہنما رانا ثنا اللہ، احسن اقبال، مفتاح اسماعیل اور شاہد خاقان عباسی پر کیسز بنائے گئے تھے اس وقت انہوں نے کابینہ میں یہ کیسز بنانے کی مخالفت کی تھی اور یہ نقطہ اٹھایا تھا کہ آج ہم ان کے خلاف کیسز بنا رہے ہیں تو کل ہم پر بھی بنیں گے، یہ ظلم کیا جا رہا ہے، کیسز غلط ہیں آپ ایسا نہ کریں۔
احسن اقبال نے فواد چوہدری کا کلپ شیئر کرتے ہوئے لکھا کہ اللہ تعالیٰ کی ذات عمران نیازی کی کابینہ کے اراکین سے گواہی دلوا رہی ہے کہ مجھ سمیت مسلم لیگ ن کے رہنماؤں پہ جھوٹے کیسز بنائے گئے۔
الحمد للہ ! اللہ تعالیٰ کی ذات عمران نیازی کی کابینہ کے اراکین سے گواہی دلوا رہی ہے کہ مجھ سمیت مسلم لیگ ن کے راہنماؤں پہ جھوٹے کیسز بنائے گئے۔ pic.twitter.com/cQQaUiqUV3
— Ahsan Iqbal (@betterpakistan) July 3, 2024
صفدر علی نے اس پر تبصرہ کرتے ہوئے لکھا کہ پہلے بھی اس ملک میں ایسا ہوتا رہا ہے، جھوٹے کیسز بنانے میں کچھ بھی نیا نہیں ہے۔ ان کا مزید کہنا تھا کہ عمران خان نے اسے احتساب کا نام دے کرعوام کو دھوکے میں رکھا۔
https://t.co/T4YxOvwFLC یہ اس ملک میں ہوتا رہا ہے اس میں کچھ نیا نہیں ہے بات صرف یہ ہے کہ عمران خان نے اسے احتساب کا نام دیا اور عوام کو دھوکے میں رکھا۔
— Safdar ali (@Safdar83709342) July 3, 2024
منیب انجم نے احسن اقبال کو مخاطب کرتے ہوئے لکھا کہ آپ بھی تسلیم کریں کہ عمران خان اور پی ٹی آئی کے دیگر رہنماؤں بشمول خواتین پر غلط مقدمے بنائے گئے ہیں اور آپ الیکشن میں ہارنے کے باوجود سلیکٹ ہوئے ہیں۔
تو حضور آپ بھی تھوڑی غیرت کا مظاہرہ کریں اور تسلیم کریں کہ عمران خان اور باقی سب بشمول خواتین پر غلط مقدمے بنائیں ہیں
اور آپ چور دروازے سے ہارنے کے باوجود سیلیکٹ ہوئے ہیں https://t.co/jf6gE4MpMQ— Moneeb Anjum Alwi (@MoneebAlwi) July 3, 2024
ایک صارف نے لکھا کہ آج ہمارا نظام مکمل طور پر ناکام ہوچکا ہے۔ ہمیں تبدیلی اور ایک بار پھر سے مل بیٹھنے کی ضرورت ہے، ان کا مزید کہنا تھا کہ ہمیں مستقبل کا لائحہ عمل تیار کرنا ہوگا اگر آج بھی ہم مل کر نہ بیٹھے مکمل ناکامی کی طرف بڑھیں گے۔
آج ہمارا نظام مکمل طور پر ناکام ہوچکا ہے۔
ہمیں تبدیلی کی ضرورت ہے۔
ایک بار پھر سے مل بیٹھنے کی ضرورت ہے اور مستقبل کا لائحہ عمل تیار کرنا ہوگا۔ اگر آج ہم نہ مل بیٹھے تو ہم مکمل ناکامی کی طرف بڑھیں گے۔۔ @fawadchaudhry #PTI #System #ImranKhan #ChangeInSystem #Talks https://t.co/UsJwXgzJyW— M. Tahir Khan (@Mtahirkhan78) July 3, 2024
واضح رہے کہ پی ٹی آئی کے دورِ حکومت میں ن لیگ کو سیاسی انتقام کا نشانہ بنائے جانے کی شکایت تھی اور اب یہی شکایت تحریک انصاف کے رہنما بھی کرتے نظر آتے ہیں کہ ان کے خلاف بنائے جانے والے مقدمات قانونی نہیں بلکہ سیاسی ہیں۔
