تحریک انصاف نے سینیٹ اجلاس میں سپریم کورٹ پریکٹس اینڈ پروسیجر ترمیمی بل کی مخالفت کا اعلان کیا ہے۔ سینیٹ میں پی ٹی آئی کی پارلیمانی پارٹی کے اجلاس میں فیصلہ کیا گیا کہ سپریم کورٹ پریکٹس اینڈ پروسیجر بل کی مخالفت کی جائے گی۔
سینیٹر فیصل جاوید نے کہا کہ سپریم کورٹ پریکٹس اینڈ پروسیجر بل کی سینیٹ میں مخالفت کریں گے۔ ہماری مطالبہ ہے کہ مذکورہ بل قائمہ کمیٹی میں بھیجا جائے۔
دوسری جانب سینیٹ اجلاس کے دوران پی ٹی آئی کے سینیٹر علی ظفر اور قائد حزب اختلاف شہزاد وسیم نے بل پر بات کرنے کی کوشش کی جس پر چیئرمین سینیٹ نے انہیں بات کرنے سے روک دیا۔
چیئرمین سینیٹ نے کہا کہ وقفہ سوالات پہلے مکمل ہو جانے دیں۔ وہ بل اس وقت تک زیر غور نہیں لائیں گے جب تک اپوزیشن اراکین بل پر بات نہ کر لیں۔
