پاکستان انٹرنیشنل ایئرلائن (پی آئی اے) کا حج آپریشن اختتام پذیر ہوگیا ہے، قبل از حج آپریشن 9 مئی سے 21 جولائی تک جاری رہا، جبکہ بعد از حج آپریشن کا آغاز 20 جون سے ہوا تھا اور اس کا اختتام 21 جولائی کو ہوا۔
ترجمان پی آئی اے نے بتایا کہ بعد از حج آپریشن میں کل 143 پروازیں آپریٹ کی گئیں جس میں جدّہ کے لیے 61 اور مدینہ کے لیے 82 پروازیں آپریٹ ہوئیں۔
یہ بھی پڑھیں لاہور کے ہوائی اڈے پر آتشزدگی، حج آپریشن متاثر
انہوں نے بتایا کہ ان پروازوں کے ذریعے سے تقریباً 34 ہزار 663 حجاج کرام مقدس فریضے کی ادائیگی کے بعد وطن واپس پہنچے، ان میں 19 ہزار 278 سرکاری عازمین حج اور 14 ہزار 754 پرائیویٹ عازمین شامل تھے، جبکہ 631 خدام نے حج کی سعادت حاصل کی۔
ترجمان نے بتایا کہ حج آپریشن میں پی آئی اے کے شیڈول کی باقاعدگی شاندار رہی، حجاج کرام کے لیے سٹی چیک ان کا بندوبست بھی کیا گیا تھا جس سے ان کو کئی گھنٹے قبل ایئرپورٹ پہنچنے کی زحمت نہیں ہوئی۔
انہوں نے بتایا کہ سی ای او پی آئی اے نے حج آپریشن میں شامل ٹیموں کی کارکردگی کو سراہا۔
یہ بھی پڑھیں قومی ایئرلائن کا حج آپریشن مکمل، 60 ہزار سے زائد حجاج کی بذریعہ پی آئی اے وطن واپسی
ترجمان نے کہاکہ مشکل حالات کے باوجود حج آپریشن اعلی طریقے سے منظم کیا گیا، جس کی بنیاد پر سی ای او پی آئی اے نے پاکستان اور سعودی عرب میں موجود ٹیموں کی کارکردگی قابل ستائش قرار دی ہے۔
