پاکستانی کوہ پیما دنیا کی بلندترین چوٹیوں میں شامل براڈپیک سر کرنے میں کامیاب

پاکستانی کوہ پیماؤں پر مشتمل 4 رکنی ٹیم دنیا کی بلندترین چوٹیوں میں سے ایک 8047 میٹر بلند براڈ پیک سر کرنے میں کامیاب ہوگئی ہے۔

https://x.com/Shehrozekashif2/status/1817089518971027936

پاکستان کے مشہور کوہ پیما شہروز کاشف کی جانب سے اپنے سوشل میڈیا پیج پر شیئر کی گئی پوسٹ میں بخوشی مطلع کیا ہے کہ بروڈ بوائے ایڈونچر کی 4 پاکستانی ٹیم نے آج صبح بروڈ پیک پر پاکستان کا سبز ہلالی پرچم لہرا دیا ہے۔

یہ بھی پڑھیں:حکومت کا گلگت بلتستان میں عالمی معیار کا کوہ پیمائی اسکول قائم کرنے کا اعلان

خاتون رکن انعم عزیر سمیت اس 4 رکنی ٹیم نے آج صبح 11 بج کر 30 منٹ پر 8047 میٹر بلند چوٹی براڈپیک کو کامیابی سے سر کیا۔

گلگت بلتستان کے علاقے ہوشے سے تعلق رکھنے والے علی اکبر اور علی بھی بروڈ بوائے ایڈونچر کی 4 پاکستانی ٹیم  کے ہمراہ  تھے۔

شہروز کاشف کے مطابق بروڈ پیک بوائے ایڈونچرز کے تحت ہماری پہلی کامیاب سمٹ ہے۔

یہ بھی پڑھیں:2 پاکستانیوں سمیت 13 کوہ پیماؤں نے گاشہ برم ٹو چوٹی سر کرلی

واضح رہے کہ اس ٹیم میں شامل عمار بٹ کے علاوہ خاتون رکن انعم عزیر اپنے شوہر کے ہمراہ مناسلو پیک بھی سر کرچکی ہیں۔

بروڈ پیک

بروڈ پیک (Broad Peak) دنیا کی 12ویں اور پاکستان کی چوتھی سب سے اونچی چوٹی ہے۔

 یہ قراقرم کے سلسلہ میں پاکستان اور چین کی سرحد پر واقع ہے۔ اس کی بلندی 8047 میٹر / 26400 فٹ ہے۔

 بروڈ پیک کو سب سے پہلے 9 جون 1957 کو ایک آسٹرین ٹیم نے سر کیا۔اس چیلنجنگ مہم میں 4 پاکستانی بھی شامل تھے۔