پنجاب کے ضلع گوجرانوالہ میں آپریشن کے پیسوں سے بجلی کا بل میں جمع کرانے پر مریضہ دلبرداشتہ ہوگئی اور نالے میں چھلانگ لگا دی۔
میڈیا رپورٹس کے مطابق واقعہ گوجرانوالہ کے علاقے مکی روڈ پر پیش آیا، جس کی سی سی ٹی وی ویڈیو بھی سامنے آگئی ہے۔
یہ بھی پڑھیں کیا حکومت بجلی بلنگ کا ناقص نظام ختم کر رہی ہے؟
نالے میں کودنے والی خاتون کو بیٹی نے بچانے کی کوشش کی مگر کامیابی نہ ملی اور خاتون نے نالے میں چھلانگ لگا دی۔
ریسکیو حکام کا کہنا ہے کہ نالے میں ڈوبنے والی خاتون کی تلاش کے لیے ریسکیو آپریشن جاری ہے۔
دوسری جانب خاتون کے بیٹے نے بتایا کہ جولائی کا بجلی کا بل 10 ہزار روپے آیا تو والدہ کے ہرنیہ کے آپریشن کے لیے جمع رقم سے ادائیگی کرنا پڑی۔
یہ بھی پڑھیں چین نے قرضوں کی ری پروفائلنگ پرہماری بات مان لی، عوام کو جلد بجلی بلوں میں ریلیف دیں گے، اویس لغاری
انہوں نے مزید بتایا کہ والدہ علاج کے پیسے بجلی کے بل پر لگ جانے کی وجہ سے دلبرداشتہ تھیں اور اسی وجہ سے انہوں نے نالے میں چھلانگ لگا دی۔
