سابق وزیراعظم اور پاکستان تحریک انصاف کے بانی چیئرمین عمران خان نے اسماعیل ہنیہ کو شہید اور بیروت پر حملہ کرنے پر اسرائیل کی شدید مذمت کی ہے۔
سماجی رابطے کی ویب سائٹ ایکس پر اپنے ایک پیغام میں کہا ہے کہ ’ایران میں اسماعیل ہنیہ کے قتل اور جنگی مجرم نیتن یاہو کی حکومت کی طرف سے بیروت میں بمباری کی شدید مذمت کرتا ہوں‘۔
یہ بھی پڑھیں: اسرائیل نے مسجد اقصیٰ کے امام ایکریمہ صابری کو گرفتار کر لیا
عمران خان نے کہا کہ اسرائیل کے جنگی جرائم اور بین الاقوامی قوانین اور کنونشنز کی صریح خلاف ورزیاں بین الاقوامی نظم وضبط کی مکمل پامالی کی غمازی کرتی ہیں۔
https://twitter/ImranKhanPTI/status/1819359068458205624?t=jXO1AyfxTMB7vGGVH3ZxWA&s=19
ایران میں اسرائیل کے ہاتھوں شہید ہونے والے حماس کے سیاسی ونگ کے رہنما اسماعیل ہنیہ کو جمعے کو قطر کے دارالحکومت دوحہ میں ہزاروں سوگواروں کی موجودگی میں سپرد خاک کردیا گیا۔ علاوہ ازیں لبنان کے دارالحکومت بیروت میں اسرائیلی حملے میں شہید ہونے والے حزب اللہ کے کمانڈر صالح شکر کی تدفین یکم اگست کو جنوبی بیروت میں ہوئی جس میں مردو خواتین کی ایک بڑی تعداد نے شرکت کی۔
