گلوکارہ آئمہ بیگ گزشتہ ماہ سعودی عرب کے شہر جدہ میں جاکر میوزیکل پرفارمنس دی تھی جس کے بعد انہوں نے عمرے کی ادائیگی بھی کی تھی۔
آئمہ نے پہلے ہی بتادیا تھا کہ یہ ایک طویل اور تھکا دینے والا سفر ہوگا۔ بعد ازاں انہوں نے اعلان کیا کہ ایک مصروف شیڈول کی وجہ سے وہ اسپتال میں داخل ہوئیں اور انہیں ’منی ہارٹ اٹیک‘ ہوا۔
یہ بھی پڑھیں: عارضہ قلب میں مبتلا آئمہ بیگ اپنی بیماری سے متعلق کیا کہتی ہیں؟
انہوں نے 14 اگست کو اپنے انسٹاگرام پر اسپتال کے بستر پر لیٹے ہوئے اپنی تصویر شیئر کی تھیں جن میں ان کے جسم پر ای سی جی پوائنٹس لگے ہوئے تھے۔
اس صورتحال نے ان کے مداحوں کو بے چین کر دیا اور وہ جاننا چاہتے تھے کہ دل کا دورہ پڑنے کے بعد وہ کیسی ہیں۔
View this post on Instagram
آئمہ نے اب اپنی صحت کے بارے میں ایک بیان جاری کیا ہے جس میں انہوں نے اپنے تمام مداحوں کا شکریہ ادا کیا کہ وہ اتنے فکر مند رہے لیکن انہوں نے واضح کیا کہ انہیں دل کا دورہ نہیں پڑا تھا۔
مزید پڑھیے: آئمہ بیگ کا ٹیٹوز کے ساتھ عمرہ اور ناقدین پر طنز
انہوں نے بتایا کہ وہ پانی کی کمی کا شکار تھیں اور اپنی دیکھ بھال ٹھیک طرح سے نہیں کر پا رہی تھی۔ انہوں نے مزید بتایا کہ نہ ان کی نیند پوری ہو رہی تھی اور نہ ہی وہ کھانا کھا رہی تھیں لہٰذا ان وجوہات کے باعث انہیں اسپتال میں داخل ہونا پڑا۔
