پاکستان شوبز انڈسٹری کی معروف گلوکارہ آئمہ بیگ ایک مرتبہ پھر سوشل میڈیا پر ٹرولنگ کا نشانہ بن گئیں۔
سوشل میڈیا پر آئمہ بیگ کی ایک ویڈیو وائرل ہو رہی ہے جس میں گلوکارہ مختصر لباس میں جیولری کی نمائش کرتی نظر آ رہی ہیں۔ ویڈیو میں آئمہ بیگ نے بغیر آستین کے سیاہ ٹاپ پہنا ہوا ہے اور ہیروں کے خوبصورت زیورات کے سیٹ کی نمائش کر رہی ہیں جسے انہوں نے جیولری برانڈ کی تشہیری مہم کے لیے پہنا تھا۔
یہ بھی پڑھیں: آئمہ بیگ کو دل کا عارضہ نہیں، مسئلہ کچھ اور تھا
آئمہ بیگ نے ویڈیو کے بیک گراؤنڈ میں انڈین گانا ’توبہ توبہ‘ لگایا جس پر صارفین نے انہیں آڑے ہاتھوں لیتے ہوئے کہا کہ توبہ توبہ سارا موڈ خراب کر دیا۔ گلوکارہ کے مختصر لباس پہننے پر بھی صارفین نے انہیں شدید تنقید کا نشانہ بناتے ہوئے سوال کیا کہ وہ جیولری دکھا رہی ہیں یا جسم کی نمائش کر رہی ہیں۔
کئی صارفین کا کہنا تھا کہ ایک وقت تھا آئمہ بیگ پیاری تھیں لیکن اب انہوں نے اپنا چہرہ بگاڑ لیا ہے تو کوئی یہ کہتا نظر آیا کہ یہ منی ہارٹ آٹیک کے سائیڈ ایفیکٹس ہیں۔
صارفین یہ بھی کہتے نظر آئے کہ آئمہ بیگ کی خوبصورتی مصنوعی ہے اور ان کو دیکھ کر حسن سے اعتبار اٹھ گیا ہے، جہاں کئی صارفین نے انہیں تنقید کا نشانہ بنایا وہیں کئی صارفین کا خیال تھا کہ گلوکارہ کی ویڈیو آرٹیفیشل انٹیلی جنس سے بنائی گئی ہے۔
یہ بھی پڑھیں: آئمہ بیگ کو دل کا عارضہ نہیں، مسئلہ کچھ اور تھا
قبل ازیں آئمہ بیگ عمرے کی ادائیگی اور کنسرٹ میں شرکت کے بعد تنقید کی زد میں آگئی تھی، گلوکارہ آئمہ بیگ کو عمرے کی سعادت حاصل کرنے سے قبل سعودی عرب کے ہی شہر جدہ میں بولڈ انداز میں میوزیکل پرفارمنس کرنے اور عمرے کے بعد بولڈ لباس پہن کر دبئی روانہ ہونے کی تصاویر وائرل ہونے کے بعد صارفین نے آڑے ہاتھوں لیا تھا۔
