اسلام آباد کے تھانہ گولڑہ کی پولیس اور جنسی جرائم کے خصوصی تحقیقاتی یونٹ(ایس ایس آئی او یو) نے مشترکہ کارروائی کرکے لڑکی سے زیادتی کرنے والے ملزم کو گرفتار کرلیا ہے۔
یہ بھی پڑھیں: اسلام آباد: تیزاب گردی میں ملوث خاتون ساتھیوں سمیت گرفتار
ڈی آئی جی اسلام آباد کے مطابق تھانہ گولڑہ کی پولیس اور ایس ایس آئی او یو نے لڑکی سے زیادتی کرنے والے ملزم نعمان شفیق کو گرفتار کرلیا گیا ہے، متاثرہ لڑکی کی درخواست پر تھانہ گولڑہ کی پولیس نے مقدمہ درج کرکے ملزم کو گرفتار کیا۔
ڈی آئی جی اسلام آباد کا کہنا ہے کہ ملزم کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔
یہ بھی پڑھیں: اٹک: دوستوں نے زیادتی کے بعد دوست کو قتل کردیا
ان کا کہنا ہے کہ خواتین اور بچے اسلام آباد پولیس کی ریڈ لائن ہیں، ان سے زیادتی یا تشدد میں ملوث ملزمان قانون کی گرفت سے نہیں بچ سکتے۔
