سابق صدر مملکت ڈاکٹر عارف علوی نے جمعیت علما اسلام (جے یو آئی) کے سربراہ مولانا فضل الرحمان سے ملاقات میں عمران خان کا اہم پیغام پہنچایا ہے۔
ذرائع کے مطابق بانی پی ٹی آئی عمران خان نے عارف علوی کے ذریعے مولانا فضل الرحمان کو پیغام پہنچایا کہ حکومت عدلیہ پر شب خون مارنا چاہتی تھی جسے اپوزیشن نے مل کر ناکام بنایا، ہم آپ کے کردار کو سراہتے ہیں۔
یہ بھی پڑھیں مجوزہ آئینی ترامیم، مولانا فضل الرحمان اہمیت اختیار کرگئے، عارف علوی کی اہم ملاقات
ذرائع کے مطابق عمران خان نے مولانا فضل الرحمان کو عوامی جمہوری معاملات پر ایک ساتھ کھڑے ہونے کا پیغام دیا۔
ذرائع نے بتایا کہ ملاقات میں ڈاکٹر عارف علوی نے آئینی ترمیمی بل کے معاملے پر مولانا فضل الرحمان کے کردار کو سراہا، اور ان کی پارٹی کا شکریہ ادا کیا۔
اس موقع پر عارف علوی کا کہنا تھا کہ یہ آئینی بل عوام کے بنیادی حقوق کو سلب کرنے کی کوشش ہے، حکومت آئینی ترمیمی بل کی آڑ میں آئین پاکستان پر حملہ آور ہوئی ہے۔
ذرائع کے مطابق مولانا فضل الرحمان نے ترمیمی بل کے معاملہ پر اپوزیشن کو ساتھ لے کر چلنے کی یقین دہانی کرائی ہے اور کہا ہے کہ اب مشاورت سے ہی کوئی فیصلہ ہوگا۔
یہ بھی پڑھیں آئینی ترمیم، شہباز شریف اور بلاول بھٹو کا فضل الرحمان کے تحفظات دور کرنے پر اتفاق
ذرائع کے مطابق ملاقات میں دونوں جماعتوں کے درمیان ورکنگ ریلیشن شپ مزید بڑھانے پر اتفاق کیا گیا۔
